Beagán cabhair do theaghlaigh ach tá brabús €2.7bn á bhaint ag an Rialtas ar tháirgí fuinnimh

Tá airí ag tabhairt tacaíochta fuinnimh ach tá siad ag rá linn cheana féin nach leor é do theaghlaigh atá faoi bhrú

Tá an Rialtas cúisithe as brabúis ollmhóra a bhaint as praghsanna ola i gcánacha táirgí fuinnimh, agus figiúirí nua á léiriú gur thóg siad an méid is airde riamh, €2.7 billiún.

Tá tiománaithe agus úinéirí tí ag íoc suimeanna ollmhóra níos mó as breosla gluaisteán agus tí agus nhí an Comhrialtas faoi bhrú chun cineál éigin faoisimh fuinnimh a sholáthar le tamaill anuas.

An uair dheireanach a rinne siad é sin, bhí sé díreach roimh an olltoghchán deireanach; agus anois tá praghsanna i bhfad níos airde.

Tá praghsanna breosla peitril níos mó ná €2 in aghaidh an lítir agus praghsanna díosal ag dul chomh hard agus €2.40 meastar go n-ardóidh siad tuilleadh toisc nach bhfuil aon chomhartha ann go maolóidh an cogadh sa Mheánoirthear.

Agus tá praghsanna ola téimh ag ardú freisin ag cur brú ar praghasanna bia.

De réir figiúirí arna soláthar ag an Aire Airgeadais Simon Harris, mar fhreagra ar cheisteanna parlaiminte ón Teachta Dála Neamhspleách Carol Nolan le déanaí, ghlac an Stát €2.737 billiún i bhfáltais Cháin Ola Mianraí i 2025, an líon is mó riamh.

Léiríonn sé seo méadú suntasach €178 milliún ón mbliain roimhe sin, agus ardú €621 milliún ar an €2.116 billiún a bailíodh ó chánacha peitril agus díosail i 2023.

Ag trácht ar na figiúirí, dúirt Ms Nolan go gcaithfidh an Rialtas ‘gach rud atá ar fáil acu a úsáid chun an t-ualach cánach fuinnimh a laghdú’ ar theaghlaigh. D uirt sí go ‘bheadh ​​​​sé dodhéanta gan aon rud a dhéanamh’.

Ag caint faoi chánach fuinnimh, dúirt an Teachta Dála Neamhspleách d’Uíbh Fhailí leis an Rialtas: ‘Más gá reachtaíocht éigeandála chun na méaduithe seo a aisiompú nó a chur ar fionraí, ba chóir í a thabhairt isteach gan mhoill.’

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil