Bhí feachtais fhuatha, atá á gcur chun cinn ag X, de chuid Elon Musk, le cabhair óna uirlis AI, Grok, ag cruthú pian agus fearg i measc lucht leanúna peile agus a dteaghlach.
Tá an córas faoi imscrúdú cheana féin ag an Aontas Eorpach as íomhánna gnéasacha bréige de mhná agus de leanaí a cheadú, agus anois tá sé á úsáid chun maslaí a thabhairt do ghaolta na ndaoine a d’fhulaing tragóidí peile.
Tá lucht leanúna Liverpool agus Manchester United feargach faoi phoist mhaslacha a rinne Grok faoi thubaiste staidiam Hillsborough, bás an imreora Diogo Jota anuraidh agus bás imreoirí Manchester United i dtubaiste München i 1958, nuair a d’fhág timpiste eitleáin 23 duine marbh, lena n-áirítear ochtar imreoir Manchester United agus triúr oifigeach.
Chuidigh Grok le húsáideoirí poist uafásacha a chruthú, atá ag cruthú pian do ghaolta íospartaigh na n-imeachtaí sin. Ansin cuireadh suas iad ar X.
Is le Elon Musk, an duine is saibhre ar domhan, agus tacaí de pholaitíocht Donald Trump, an dá cheann.
Nuair a iarradh ar Grok poist ‘bhréagacha’ agus ‘an-mhíshásta’ a chruthú faoi na tragóidí uafásacha seo, rinne Grok amhlaidh i soicindí.
Chuir sé éilimh phianmhara agus bhréagacha ar fáil ag rá gur ba chúis lucht tacaíochta Liverpool a bhí na básanna le linn tubaiste Hillsborough i 1989.
Rinneadh éilimh mar sin i nuachtáin ar nós an Sun ag an am, a chaill díolacháin agus a d’fhulaing caillteanas eacnamaíoch mar gheall ar bhaghcat láidir agus éifeachtach ag lucht tacaíochta Liverpool agus daoine sa chathair ar an nuachtán.
Tá roinnt de lucht leanúna Liverpool agus Manchester United ag teacht ar chomhaontú eatarthu féin anois, agus ag iarraidh ar dhaoine baghcat a dhéanamh ar X.
Tá sé sin go páirteach toisc go raibh ar mhuintir Liverpool fanacht go dtí 2016 le go nglacfadh na húdaráis sa Bhreatain leis an bhfírinne.
An bhliain sin, ghlan fiosrúchán lucht tacaíochta Liverpool go foirmiúil ó aon locht as an tubaiste, ag rialú gur maraíodh na híospartaigh go mídhleathach.
Thug Grok tuairimí maslacha freisin faoi imreoir Liverpool, Diogo Jota, agus a dheartháir, Andre Silva, a fuair bás i dtimpiste ghluaisteáin, an samhradh seo caite.
Seasann lucht leanúna Liverpool fós agus tugann siad beannú do Jota ag a gcluichí, i gcuimhne air agus chun a thaispeáint dá bhean chéile agus dá chlann go bhfuil siad fós ag smaoineamh air, ar bhealach grámhar.
Sin é an fáth go bhfuil na poist sin a chuir Grok agus X, de chuid Elon Musk, ar fáil thar a bheith cruálach. Léigh na milliúin daoine an post sin.
Agus cé go gceadaíonn na córais seo d’úsáideoirí na tuairimí maslacha seo a phostáil, cosnaíonn siad freisin iad siúd atá ag scaipeadh fuatha agus fulaingthe, trí ligean dóibh a gcéannacht a cheilt.
Scriosadh na poist sa deireadh tar éis gearán ó Learpholl agus Manchester United
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
