Tá an Rialtas ag ullmhú pleananna teagmhais (contingency) anois do na 22,000 náisiúnach Éireannach sa Mheánoirthear.
Dúirt an tAire Gnóthaí Eachtracha Helen McEntee le RTÉ go bhfuil an Stát réidh le cairteitilt (charter flight) a fháil más gá.
Chláraigh na mílte saoránach Éireannach iad féin mar ‘sáinnithe’ sa Mheánoirthear ionas go bhfaighidh siad tús áite le haghaidh aslonnú ónár Rialtas.
Tá na 22,000 Éireannach sáinnithe i stáit na Murascaille ó dheireadh seachtaine, tar éis do na Stáit Aontaithe agus Iosrael ruathair bhuamála a sheoladh ar an Iaráin, rud a chuir níos mó ná 780 duine faoi bhás, lena n-áirítear 150 cailín a bhí ima mbunscoil.
Dúirt Ms McEntee go bhfuil a roinn ag dréachtú liosta de shaoránaigh leochaileacha, lena n-áirítear daoine scothaosta, mná torracha agus iad siúd a bhfuil riachtanais leighis acu.
Tá tús áite á thabhairt ag aerlínte do phaisinéirí atá sáinnithe agus nach bhfuil cóiríocht ná cónaitheacht acu. Dúirt Ms McEntee go mbeadh liosta soiléir ag teastáil dá n-úsáidfí cairteitilt, agus na daoine is leochailí á mbaint amach ar dtús.
Dúirt an Tánaiste Simon Harris go bhfuil Éire ag scrúdú roinnt roghanna, lena n-áirítear oibriú le tíortha eile san AE.
Táthar ag smaoineamh ar Óman mar mhol féideartha d’eitiltí aslonnaithe díreacha, ag brath ar dhálaí sa réigiún.
Tá níos mó ná 50 eitilt curtha ar ceal cheana féin chuig agus ó Aerfort Bhaile Átha Cliath ón Satharn.
Faoi láthair tá an Rialtas ag impí ar shaoránaigh atá ina gcónaí sa Mheánoithear, ag dul tríd nó ar saoire sa réigiún a láithreacht a chlárú agus oifigigh ag ullmhú pleananna aslonnaithe.
Dúirt an tAire Cosanta Sóisearach, Thomas Byrne: ‘Táimid ag scrúdú an cháis le feiceáil cad iad na roghanna a d’fhéadfadh a bheith ann do dhaoine ar mian leo imeacht, agus déanfar é sin i ndlúthchomhar lenár gcomhghuaillithe uile san AE.’
Tá beagnach 6,000 saoránach Éireannach cláraithe ó na hÉimíríochtaí Arabacha Aontaithe, áit a bhfuil na mílte oibrí Éireannach ina gcónaí i gcathracha ar nós Dubai agus Abu Dhabi.
Dúirt an tAire McEntee freisin gur cheart do dhaoine ‘fanacht faoi dhídean’ agus dúirt sí gurb é an rud ‘is tábhachtaí’ dóibh a dhéanamh ná comhairle áitiúil a leanúint agus seiceáil go díreach lena n-aerlínte má tá sé ar intinn acu taisteal in áit eile.
‘Tuigim gur ráiteas an-deacair é sin nuair a bhraitheann daoine gur mian leo níos mó a dhéanamh,’ a dúirt sí.
Tá imní ag méadú go bhfuil rudaí ag dul in olcas sa Mheánoirthear, agus leis sin:
Ó thosaigh an choimhlint ag an deireadh seachtaine, b’éigean d’aerfoirt Dubai, Abu Dhabi, Cuáit agus Manama a dhúnadh agus eitiltí a chailleadh.
Cuireadh gach eitilt ó Bhaile Átha Cliath ag dul sa Mheánoirthear ar ceal Dé Luain. Dúirt oibreoir Aerfort Bhaile Átha Cliath, DAA, go bhfuil sé ag obair le haerfoirt eile agus é ag déileáil le dúnadh aerspáis.
Choinnigh aerfoirt Dubai agus Abu Dhabi, sna hÉimíríochtaí Arabacha Aontaithe, líon teoranta eitiltí amach in ainneoin srianta leanúnacha san aerspás.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
