D’fhill Ryan Tubridy ar RTÉ maidin Dé Domhnaigh den chéad uair ó scannal na n-íocaíochtaí i 2023, agus é ina shuí le Miriam O’Callaghan ar RTÉ Raidió a hAon.
D’fhág an t-iar-láithreoir an Late Late Show an craoltóir náisiúnta i ndiaidh na nochtuithe maidir le híocaíochtaí neamhfhoilsithe, agus bhog sé go Londain le bheith ag obair le Virgin Media.
Cé go raibh Ryan neirbhíseach faoina fhilleadh ar RTÉ, d’admhaigh sé go raibh sé ‘aisteach’ agus ‘osréalach’.
Dúirt an fear 52 bliain d’aois le Miriam go raibh ‘cumha’ air (homesick) tar éis dó teacht chuig an stiúideo, rud a mhaolaigh aon eagla a bhí air.
Lean Miriam ar aghaidh ag cur ceist ar Tubridy faoin scannal mór a lean é le cúpla bliain anuas, agus nocht an t-iar-láithreoir Late Late an ‘aiféala’ a mhothaigh sé.
Bhí comhaontú déanta ag an láithreoir le RTÉ in 2020 chun €225,000 a fháil thar thrí bliana as freastal ar thrí imeacht chorparáideacha thar ceann urraitheoir The Late Late Show, Renault.
Fuair sé dhá íocaíocht de €75,000 sa deireadh, cé nár nochtadh iad seo i liosta foilsithe RTÉ de thuarastail láithreoirí.
Ó shin i leith, d’íoc sé an €150,000 ar ais, agus dheimhnigh sé nach raibh aon oibleagáid dhlíthiúil air é sin a dhéanamh.
D’admhaigh Tubridy nach raibh a ghníomhaire ach ag iarraidh an margadh is fearr is féidir a fháil agus nár chuir sé san áireamh na hiarmhairtí a lean é sin.
Mar sin féin, i ndiaidh na conspóide, mhínigh Ryan go bhfaca sé daoine eile a raibh fadhbanna níos mó acu ná mar a bhí aige féin, agus cuireadh an scéal ar fad i bpeirspictíocht.
Dúirt Tubridy go gceapann sé gur cineál beannachta i bhfolach a bhí ina dhífhostú ó RTÉ, ag rá gur thug an cinneadh scaradh deis dó cosán nua a leanúint ina shaol tar éis dó bogadh go Londain.
D’inis an láithreoir do Miriam cé chomh tábhachtach is a bhí a bhean nua, Clare Kambamettu, le linn an scannail agus conas a choinnigh sí ar an talamh é.
Dúirt sé: ‘I lár an scannail, bhí sí chomh láidir chun gach rud a dhéanamh go maith. Bhí sí thar a bheith tábhachtach.’
Luaigh Tubridy freisin tábhacht na teiripe (therapy) ina shaol le linn na tréimhse sin.
Bhí úsáideoirí na meán sóisialta gasta chun trácht a dhéanamh ar an agallamh, agus dúirt duine amháin go raibh an t-agallamh níos deacra ná mar a cheap Ryan.
Scríobh úsáideoir amháin de chuid X: ‘Níl an comhrá cluthar do Ryan – mar a bhí sé ag súil le Miriam’
Mar sin féin, bhí duine eile an-tógtha nuair a scríobh sé: ‘Agallamh suimiúil le Ryan Tubridy. Tá áthas orm é a chloisteáil ag labhairt leis an bpobal ar scéal RTÉ. Cheap mé i gcónaí gur duine cairdiúil te é, is iontach an rud é a chloisteáil go bhfuil a shaol ag dul go maith.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
