Tar éis breis is deich mbliana ar an aer agus na céadta cáiliúla ar a thaispeántas cainte, cheapfá go mbeadh liosta ag Graham Norton de na haíonna ba mheasa riamh.
Ach d’admhaigh an láithreoir Éireannach gurbh é Mark Wahlberg an t-aoi ba mheasa aige – ag cur síos ar an agallamh mar ‘ifreann’ – rud a tháinig mar iontas mór.
Níor dhearmad Graham an eachtra fós.
Cé gur tháinig Mark ar ais ar an seó ina dhiaidh sin, tá an chéad agallamh fós i gcuimhne ag Graham.
Bhí Mark ar an tolg cáiliúil i 2013 in éineacht le Sarah Silverman agus Michael Fassbender, ach ghlac sé an airde go léir leis féin lena iompar meisce.
Dúirt Graham ag Féile Liteartha Henry gur tháinig Mark isteach gan cuma ar a bheith ar meisce, ach go raibh rud éigin ag baint leis a tháinig chun tosaigh 15 nóiméad isteach sa seó.
‘D’inis sé dom faoin scannán nua aige, Broken City, agus cúpla scéal faoi héachtraí a chuaigh mícheart. Ach ansin, thart ar 15 nóiméad isteach, tháinig an meisce chun tosaigh – agus b’ifreann é.’
Dúirt Graham nach raibh cead ag aon duine scéal a insint mar bhí Mark ag cur isteach go leanúnach.
Shíl sé go raibh rudaí ag dul i gceart nuair a thosaigh Michael Fassbender ag insint scéil gan cur isteach.
Ach nuair a d’fhéach Graham trasna, chonaic sé go raibh Mark Wahlberg ina chodladh!
‘Shíl mé, “Tá sé seo ag dul go maith – cén fáth?” agus d’fhéach mé ar Mark Wahlberg – agus bhí sé ina chodladh. Mar sin, ní spreagaimid sin!’
Dúirt Graham go dtugtar deochanna do na haíonna ar an seó, ach nach mbíonn ach dhá nó trí dheoch acu ar a mhéad. Labhair sé faoin dhaoine ag ‘pre-loadáil’ má tá siad ag iarraidh a bheith ar meisce roimh an seó.
Tháinig an nochtadh seo tar éis don BBC a fhógairt go mbeidh The Graham Norton Show ag filleadh ar feadh trí shraith eile.
Bhí réaltaí móra mar Taylor Swift agus Cillian Murphy le feiceáil cheana féin sa tsraith reatha.
Tá Graham ag caitheamh níos mó ama sa Bhreatain anois, agus díreach tar éis a árasán i Nua-Eabhrac a dhíol ar €4.5 milliún.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
