Ba é an tÉireannach Shane Lowry a bhuaigh Corn Ryder don Eoraip le putt ríthábhachtach.
Chuir sé sin fearg ar lucht leanúna drochbhéasa Mheiriceá a rinne magadh faoi Rory McIlroy agus a bhean chéile le linn an imeachta trí lá.
Lá drámaíochta ab ea lá ceannais Chorn Ryder tar éis do na himreoirí Meiriceánacha teacht aniar iontach a dhéanamh.
D’fhéadfaidís é a bhuachan murach Lowry.
Ar an Satharn, léirigh sé a fhearg le drochbhéasa go leor lucht leanúna Mheiriceá ag an ócáid – rud a bhí daoine ag cur i gcomparáid le Donald Trump as a n-iompar glórach, borb.
Bhí siad ag magadh faoi chara Lowry, McIlroy, agus ag déanamh tráchtanna aineolacha faoina bhean chéile agus a phósadh/
Ag ócáid amháin ar an Satharn, fiú, bhí na Meiriceánaigh faoi stiúir an MC, a raibh uirthi a post a fhágáil mar gheall ar a tráchtanna maslacha.
D’éirigh Heather McMahan, aisteoir agus fuirseoir Meiriceánach, as a ról mar MC tar éis di canadh ‘f*** you Rory’ a threorú Dé Sathairn. Rinneadh drochíde gan staonadh ar McIlroy i rith an lae.
Agus ag pointe amháin, ar an Satharn freisin, bhí Shane ag tabhairt aghaidh ar lucht leanúna amháin.
Bhí an duine sin caite amach as an gcomórtas, áit ar féidir le lucht leanúna suas le $700 a íoc le dul isteach ann.
Mar sin féin, cé go raibh na himreoirí Eorpacha i bhfad chun cinn ar an Satharn, thosaigh siad ag cailleadh a gcluichí Dé Domhnaigh.
Thosaigh na Meiriceánaigh ag buachan a seisiún singil.
Rinne siad teacht aniar iontach le sraith buanna agus beagnach scrios siad an t-easnamh is mó i stair an Corn Ryder.
Ach ansin fuair Lowry an leathphointe ríthábhachtach ina gcluiche ar an ochtú poll, ag tabhairt na hEorpa go 14 phointe.
Chiallaigh sé sin go mbeadh foireann na hEorpa ag tabhairt Corn Ryder abhaile.
Ina dhiaidh sin, fuair Tyrrell Hatton bua iomlán, ach ag an bpointe sin bhí an ceiliúradh tosaithe le bua Lowry.
‘Ba iad sin an cúpla uair an chloig is deacra i mo shaol ar fad, i ndáiríre,’ a dúirt Lowry, atá 38 bliain d’aois.
Is cinnte go mbeidh sé ina bhall lárnach den fhoireann chun an Ryder Bup a chosaint in Adare in 2027.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
