Tá foinsí sinsearacha i bhFianna Fáil ag rá nach bhfuil Billy Kelleher, Feisire de Pharlaimint na hEorpa, á láimhseáil ‘go cothrom’ ag ceannaireacht an pháirtí.
Tá míshástacht ag fás i measc na dTeachtaí agus na Seanadóirí faoi phróiseas roghnúcháin an iarrthóra uachtaráin, agus go háirithe faoin dóigh a bhfuil Kelleher á láimhseáil.
Tá ceathrar ball den pháirtí parlaiminteach i bhfabhar Kelleher go poiblí, i gcomparáid le 22 atá tar éis tacaíocht a thabhairt do Jim Gavin.
D’fhógair Kelleher a iarrthóireacht an Aoine seo caite agus tá sé ag iarraidh ar chomhghleacaithe vóta a thabhairt dó le seachtain anuas.
Dúirt Teachta Dála amháin: ‘Níor caitheadh go cothrom leis. Ní fhágann sé sin íomhá mhaith ar Mícheál Martin, mar is é an folús a chruthaigh sé féin is cúis leis seo.’
‘Dúirt Teachta eile: ‘I mo thuairim, rinne Mícheál praiseach de. Tá a chreidiúnacht féin anois i mbaol.’
Measann cuid acu dá mbeadh Martin tar éis cruinniú a chur le chéile dhá sheachtain ó shin agus dul i mbun cainte leis an bpáirtí, d’fhéadfaí an ghéarchéim seo a sheachaint.
Deir foinsí nach mbíonn sé ag dul i gcomhairle le comhaltaí eile, agus gur chuir sé é féin i ndeacracht dá bharr.
Tá Kelleher as Corcaigh Thuaidh Láir, comharsa thoghcheantair le Martin, rud a chuireann casadh polaitiúil eile ar an scéal.
Deir cuid de na Teachtaí go mbeidh an comórtas ‘an-ghar’, cé go measann daoine eile go bhfuil ‘cnoc mór le dreapadh’ ag Kelleher agus go bhfuil air móiminteam a chruthú go sciobtha.
Tá iontas léirithe ag roinnt ball nár sheas seanchairde polaitiúla leis, amhail Barry Cowen. Deir na Teachtaí nua gur fearr fanacht ciúin agus meas a léiriú don phróiseas.
Tá sé tugtha le fios freisin nach leor má fhaigheann Kelleher tacaíocht ó ‘na daoine céanna’ atá i gcónaí míshásta leis an gceannaireacht.
Mar sin féin, tá cuid acu ag súil go dtiocfaidh tacaíocht ó theachtaí a mothaigh gur caitheadh go dona leo san am atá caite.
Faoi láthair, tá Gavin chun tosaigh le tacaíocht phoiblí.
Tá roinnt Teachtaí ag iarraidh air agallamh poiblí a dhéanamh ar RTÉ go luath chun a fheiceáil conas a sheasfaidh sé faoin mbrú.
Idir an dá linn, deir foinsí gar do champa Kelleher go bhfuil cuid ag tabhairt tacaíochta dó i gcúlra, fiú mura bhfuil siad sásta é sin a fhógairt go hoscailte.
Tugann sé sin dóchas dó go mbeidh an toradh níos cóngaraí ná mar atá súil ag daoine.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
