Tá an Iodáil chlúiteach as bia, fíon agus cultúr, ach seasann an pheil agus an creideamh i gcroílár na tíre, mar atá Evan Ferguson ar tí a fháil amach.
Deirtear gur cosúil le creideamh eile í an pheil.
Dé Domhnaigh, tar éis Aifrinn, líonann lucht leanúna na tíre staidiam na Serie A.
Nuair a toghadh an Pápa nua, Leo XIV, i mí na Bealtaine, bhí suim ag daoine a fháil amach cén fhoireann a thacódh sé léi.
Cé gur as Chicago é agus gur lucht leanúna dílis é don White Sox agus do Villanova, tháinig físeán amach a thaispeáin é ag tacú le AS Roma, foireann Evan Ferguson.
Beidh cluiche mór ag Roma an Satharn seo, 23 Lúnasa, nuair a imreoidh siad in aghaidh Bologna, buaiteoirí Corn na hIodáile.
Beidh sé mar chéad chluiche do Ferguson agus don bhainisteoir nua Gian Piero Gasperini, fear cáiliúil as ionsaitheoirí óga a threorú.
Faoin Iodálach seo d’éirigh le hionsaitheoirí ar nós Ademola Lookman, a scóráil tréchleas (hat trick) i gcluiche ceannais na hEorpa i mBaile Átha Cliath.
Ag labhairt leis an nuachtán Gazzetta dello Sport, dúirt Ferguson: ’Tá a fhios agam go ndeachaigh go leor ionsaitheoirí chun cáil faoin traenálaí seo. Tá sé dearfach domsa freisin.’
Tá an t-ionsaitheoir as Baile Brigín dóchasach faoin todhchaí sa Róimh.
Cé go bhfuil sé ar iasacht faoi láthair, tá rogha ag Roma é a cheannach ar €35 milliún.
‘Níl ann ach tús. B’fhéidir go bhfanfainn anseo i bhfad, fiú go deo,’ a dúirt sé.
Luaigh sé freisin an brú sna meáin: ’Tá an-chuid cainte ann, ach ní ormsa atá na luachálacha. Déanaim mo jab agus sin é.’
Tá Ferguson i bhfoirm mhaith cheana féin tar éis réamhshéasúir den scoth.
Tá go leor ag súil go mbeidh sé san fhoireann tosaithe i gcoinne Bologna, os comhair lucht leanúna na Róimhe agus b’fhéidir le tacaíocht an Phápa ón mbinse.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
