Fuair fear bás tar éis dó a bheith tarraingthe isteach i meaisín MRI agus slabhra miotail air.
Bhí Keith McAllister, 61 bliain d’aois, gortaithe go marfach Dé Céadaoin, an 16 Iúil, agus tá a bhean chéile ag labhairt faoi a rud a tharla.
Bhí McAllister ar chuairt ar Nassau Open MRI i Westbury, Nua-Eabhrac.
Bhí a bhean chéile, Adrienne Jones-McAllister, i láthair nuair a tharla an tragóid.
Bhí Adrienne ag dul faoi scanadh ar a glúin, agus d’iarr sí ar theicneoir a fear céile a thabhairt isteach sa seomra chun cabhrú léi éirí ina seasamh ina dhiaidh sin.
Ag an am sin, bhí slabhra trom miotail timpeall mhuineál McAllister — slabhra a d’úsáid sé go minic le haghaidh oiliúna meáchain.
In ainneoin an tslabhra, dúirt Adrienne gur ligeadh dó dul isteach sa seomra MRI.
Cúpla soicind ina dhiaidh sin, tharraing an maighnéadas cumhachtach den mheaisín é.
‘I nóiméad amháin, chas an meaisín timpeall é, tharraing isteach é, agus bhuail sé leis an meaisín féin,’ a dúirt Adrienne le News 12 Long Island.
Rinne sí féin agus an teicneoir iarracht é a shaoradh, ach bhí sé róhdhéanach.
Fuair na póilíní glao ar 911 díreach tar éis 4:30 i.n., ag tuairisciú gur tharla eachtra mhíochaine tar éis don fhear a bheith gafa sa mheaisín MRI.
Dhaingnigh údaráis dhá lá ina dhiaidh sin go bhfuair McAllister bás dá bharr sin.
D’fhógair dochtúir san ospidéal é mar dhuine marbh go hoifigiúil.
Dúirt Adrienne nach raibh sé seo ar an gcéad uair a bhí an lánúin ag an ionad MRI, ná an chéad uair a chonaic an fhoireann an slabhra air.
‘Labhair siad faoi cheana – “Ó, sin slabhra mór atá agat,’’ a mhaígh sí.
Cé go bhfuil na meaisíní sin ríthábhachtach don diagnóis agus don chóireáil, tá baol mór ag baint leo de bharr láidreacht na réimsí maighnéadacha.
De réir Institiúid Náisiúnta na Stáit Aontaithe don Íomhaú Bithleighis, tá na maighnéid i meaisíní MRI ‘láidir go leor le cathaoir rothaí a chaitheamh trasna an tseomra.’
In Éirinn, moltar do gach othar aon rud miotail a bhaint díobh — mar shampla seodra, uaireadóirí agus gléasanna éisteachta — sula dtéann siad isteach i seomra.
Dúirt Adrienne nach bhfuil sí fós in ann an méid a tharla a thuiscint.
‘Chroith sé slán liom, agus d’éirigh a chorp ar fad gan neart,’ a dúirt sí.
‘Táim fós ag iarraidh teacht ar thuiscint ar an rud ar fad.’
Tá Roinn Póilíní Chontae Nassau tar éis fiosrúchán a thosú faoi chúinsí bhás Keith McAllister.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
