Tá Ciara Mageean, seaimpín Eorpach 1500m na hÉireann, tar éis labhairt amach faoin diagnóis ailse a bheith uirthi.
I bpost ó chroí ar Instagram, dúirt Ms Mageean,33, go bhfuil diagnóis ailse uirthi agus go bhfuil tús curtha aici le cóireáil cheana féin.
Bhain an nuacht siar as a lucht leanúna agus do phobal na lúthchleasaíochta, toisc gur duine de na reathaithe is cáiliúla in Éirinn í Mageean agus buaiteoir ceithre bhonn Eorpacha.
‘Do gach duine a bhí mar chuid de mo thuras go dtí seo, tá nuacht deacair le roinnt agam: tá diagnóis ailse orm,’ a scríobh sí.
‘Bhí sé deacair le glacadh isteach, ach tá tús curtha agam le cóireáil cheana féin agus táim thar a bheith buíoch as a bheith timpeallaithe ag grá agus tacaíocht mo theaghlaigh agus mo chairde dlútha.’
D’iarr Ms Mageean, arb as Port an Pheire (Portaferry), Co. an Dúin di, príobháideacht agus í ag díriú ar leigheas, ag rá: ‘Táim réidh chun aghaidh a thabhairt air seo leis an troid chéanna a thug mé i gcónaí ar an mbóthar reatha.’
Tagann a diagnóis i ndiaidh bliana dúshlánaí inar cuireadh iallach ar Ms Mageean tarraingt siar ó na Cluichí Oilimpeacha i bPáras mar gheall ar ghortú Achilles a raibh obráid ag teastáil ina leith.
In ainneoin na dteipeanna, bhí sí ag ullmhú le filleadh ar an iomaíocht agus bhí sí ag díriú ar na Cluichí Oilimpeacha i Los Angeles i 2028.
Tá taifid na hÉireann ag Mageean sna 800m, 1000m, 1500m, agus an míle.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
