Ag a sochraid chomhchoiteann Dé Luain, dúradh gur mhúscail bás na máthar agus a hiníne sé bliana d’aois cuimhní ar ‘an iomarca tragóidí dá samhail’ i gContae Dhún na nGall.
Gortaíodh go marfach an bhanaltra Natalie McLaughlin agus a hiníon Ella i dtimpiste idir a gcarr agus veain ar an R240 i nGlentogher, Carndomhnaigh, ar leithinis Inis Eoghain, tráthnóna Dé Céadaoin seo caite.
Gortaíodh go dona comhpháirtí Ms McLaughlin, Tyrone, agus a n-iníon 18 mí d’aois, Rhea-Rose, san eachtra chéanna.
Reáchtáladh Aifreann na sochraide i Séipéal an Chroí Ró-Naofa i gCarndomhnaigh (Carndonagh), baile dúchais na beirte, Dé Luain.
Bhí slua mór bailithe ar shráideanna an bhaile agus na cónra bhána á dtabhairt i dtreo an tséipéil.
Agus an cortège ag druidim leis an séipéal, sheas páistí ó Scoil Náisiúnta Naomh Pádraig do Chailíní – áit a raibh Ella ina dalta – ar gach taobh den bhóthar.
Dúirt sagart paróiste an bhaile, an tAthair Con McLaughlin, gur mhúscail an timpiste cuimhní ar thimpistí bóthair tubaisteacha eile i nDún na nGall le blianta beaga anuas.
‘Bhí an spéir liath oiriúnach don ócáid agus corp Natalie McLaughlin á thabhairt abhaile go Church Road,’ a dúirt sé. ‘Níor briseadh an tost ach ag coiscéimeanna na ndaoine a bhí ag iompar a cónra.’
Dúirt sé go raibh Natalie anois le hElla, a tháinig abhaile níos luaithe.
‘D’inis máthair Natalie, Joanne, dom: “Is é an t-aon sólás atá agam ná go bhfuil siad le chéile anois”.’
Dúirt deartháir Natalie McLaughlin, Tiarnan, gur chuireadh sí daoine eile rompu féin i gcónaí.
‘Nuair a d’iarr tú cabhair ar Nat, bhí a fhios agat cheana féin go ndéarfadh sí ‘ceart go leor’,’ a dúirt sé.
Tar éis na seirbhíse, cuireadh Ms McLaughlin agus iníon i reilig in aice leis an séipéal.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
