‘Tagann trioblóidí i dtríonna,’ a deirtear ach i gcás Damien Comer tá sé tagtha arís agus arís eile.
Bhí gortú ag cur as dó go dtí seo ach bhí sé ar ais don chluiche in aghaidh Doire.
Mar sin féin díreach nuair a cheap lucht leanúna na Gaillimhe go mbeadh a laoch peile ar ais sa chluiche ríthábhachtach in aghaidh Ard Mhacha, ba dhrochscéal é arís.
D’ainmnigh bainisteoir na Gaillimhe, Pádraig Joyce, Comer mar chuid den scuad don chluiche i bPáirc Bhréifni in aghaidh churaidh na hÉireann ach ansin tháinig an drochscéal.
Ní bhfuair sé deis imirt agus is dócha nach mbeidh sé ar fáil do chluiche na Gaillimhe an tseachtain seo chugainn.
Dúirt Joyce le RTÉ: ‘An leaid bocht Damien arís, fuair sé gortú oíche Déardaoin ag traenáil agus ní raibh sé aclaí le teacht inniu.
‘Agus is dócha nach mbeidh sé ar fáil an tseachtain seo chugainn ach an oiread, déarfainn.’
Ach cé gur drochscéal é don fhoireann, tá Comer ag baint taitneamh as an saol sa bhaile.
Tuigeann a pháirtí Megan Glynn go maith cén t-ualach atá ar ghualainn a fear céile.
Tháinig Damien chun cinn don chéad uair sa bhliain 2014 nuair a d’imir sé do na sinsir in aghaidh Londain. In a dhiaiadh sin tháinig sé chun cinn mar cheann de na himreoirí is fearr sa chontae.
Agus nuair a bhí sé ag traenáil go dian le foireann na Gaillimhe, bhí tacaíocht láidir aige sa bhaile ó Megan, agus tá neart tuiscine aici ar an spórt chomh maith.
Tá an lánúin le chéile le seacht mbliana anuas agus á a fhios ag Megan go maith cén chaoi a n-oibríonn an CLG, tá a deartháir Jack ar fhoireann na Gaillimhe freisin, agus d’imir sí dá contae féin tráth.
‘Ní gá dom míniú a thabhairt di cén fáth go mbím chomh gnóthach,’ dúirt Damien nuair a bhí sé ag imirt. ‘Tuigeann sí go maith é.’
Nuair a cuireadh ceist air faoin gcéad uair a chas sé ar Mhegan, rinne Damien gáire. ‘Bhí muid i gcaifé i lár an bhaile,’ ar seisean.
‘Bhí muid ag iarraidh é a choinneáil faoi cheilt, ach chonaic Shane Walsh muid agus bhí an scéal amuigh ansin!’
Bhí aithne ag an mbeirt ar a chéile cheana féin sular thosaigh siad ag siúl amach. Cé go raibh baint acu le clubanna éagsúla, bhí siad ina gcónaí gar dá chéile.
Tá an lánúin fós lán le grá tar éis seacht mbliana, cé go mbíonn siad an-ghnóthach. Ar ndóigh bhíonn Damien ag traenáil go minic, agus tá Megan ag obair mar dhochtúir.
‘Bíonn sé deacair uaireanta,’ a admhaíonn Damien. ‘Ach tuigimid araon go bhfuil sé seo tábhachtach.’
Bhí Damien ag obair le Kellog’s Cúl Camps i mbliana, ag tabhairt deis do pháistí an spórt a fhoghlaim. Bhí clár nua speisialta á sheoladh acu darb ainm ‘Cúl and Curious’ chun an spórt a chur ar fáil do dhaoine ó gach cúlra.
Cé nach mbeidh sé ar fáil an tseachtain seo chugainn beidh súile na Gaillimhe go léir ag leanúint Damien agus ag súil go mbeidh sé ar ais lena chomh-imreoirí go luath.
Ach cibé rud a tharlóidh, beidh a fhios againn go mbeidh Megan ann lena thaobh – mar a bhí riamh.
Scéalta Gaeilge ExtraG.ie
ar fáil ar ríomhphost (email)
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
