Gráinne Seoige. Cuimhnigh ar a hainm ag an gcéad phlé eile faoin easpa ban sa pholaitíocht. An scéal is déanaí fúithi sna meáin, is scéal é faoin gcaoi a ndearnadh iarrachtaí í a dhíghrádú le híomhá bhréige pornagrafach.
Tugann an scéal seo tuiscint dúinn ar an bhfáth nach bhfuil an oiread sin ban páirteach sa pholaitíocht.
B’fhéidir nach dtugann sé an scéal iomlán dúinn, ach is meabhrúchán é ar an gcaoi a gcaitear chomh dona sin le mná, i gcomparáid le fir.
Agus mar gheall ar sin, níl go leor mná sásta a hainmneacha a chur chun cinn don pholaitíocht.
Tá éilimh faoi fheachtas chlaonbheartaíocht (dirty tricks) dírithe ar iarracht olltoghcháin Ghráinne Seoige á bhfiosrú ag na gardaí.
Tuigtear gur scaipeadh íomhá nó íomhánna pornagrafacha ríomhghinte (computer-generated) ar líne roimh an olltoghchán i mí na Samhna.
Teoiric amháin is ea gur chruthaigh comhraic pholaitiúil iad.
Chuir Seoige, a bhí ag seasamh mar iarrthóir de chuid Fhianna Fáil, an cheist faoi bhráid rúnaí ginearálta an pháirtí Seán Dorgan.
Scríobh sí: ‘Tá an t-imscrúdú coiriúil ag leanúint ar aghaidh, faoi scaipeadh na híomhá pornagrafacha díom féin, a ghintear le AI.
‘Mar dhuine a bhfuil taithí phearsanta agam air seo, feictear domsa nach bhfuil an dlí reatha oiriúnach don fheidhm.’
Tá sé deimhnithe ag na gardaí go bhfuil gearán á fhiosrú acu.
Léiríonn taithí Seoige go bhfuil baol ann go ndéanfaí ciapadh gnéasach (sexual harassment) ar aon bhean a seasann sa toghchán.
Bíonn fadhbanna faoi mhí-úsáid ag gach polaiteoir, fireann agus baineann. Bíonn a gcuid polasaithe, dílseacht a bpáirtí agus a gcuid scéalta briste as a chéile, go háirithe sa saol gránna ar líne a dtugann Donald Trump agus Elon Musk cead cainte saor in aisce air.
De ghnáth is mná a bhíonn mar ábhar magadh faoina meáchan agus a gcuma, agus a úsáidtear mar chlic-bhait.
Is iondúil freisin gur mná a mbíonn faoi bhagairt ó fhoréigean gnéasach.
Tar éis gairmréim ardphróifíle mar láithreoir teilifíse, ní mór do Seoige a bheith sách láidir in aghaidh an cáinte náireach ar líne.
Ach tharla eachtraí mar seo dá comhghleacaithe sa ghnó siamsaíochta, lena n-áirítear Amy Huberman, Vogue Williams agus Lucy Kennedy, chomh maith leis na craoltóirí Miriam O’Callaghan, Kathryn Thomas agus Claire Byrne.
Bíonn mná láidir go leor chun dul i ngleic le go leor maslaí pearsanta ach cé mhéad comhairleoir dícheallach nó bean rathúil gairme a bheadh ina aire iontach murach an masla seo.
Agus cén fáth a mbeadh bean ar bith, a bhfuil slí bheatha mhaith aici, sásta an rud ar fad a chur i mbaol chun a bheith léirithe mar bhábóg ghnéis?
Is féidir le hiarmhairtí mí-úsáide agus stalcaireachta a bheith fada buan agus gan choinne.
Dúirt an tAire Sláinte Jennifer Carroll MacNeill, bean a mbítear ag plé léi go minic mar thaoiseach sa todhchaí, go raibh faitíos uirthi dul i mbun feachtais do thoghchán 2020.
Bhí sí mar íospartach de stalcaireacht.
Más mian linn i ndáiríre cothrom na féinne a thabhairt do mhná sa pholaitíocht, níor cheart go mbeidís ina n-ábhar do mhí-úsáid dá leithéid, mar a tharla le Gráinne Seoige.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
