Gabhadh fear ina 50idí agus ghabh gardaí arm tine amhrasach (suspected) tar éis eachtra i Stáisiún Uí Chonghaile (Connolly Station) i mBaile Átha Cliath tráthnóna Dé Céadaoin.
Go gairid i ndiaidh 6.20pm, fuair gardaí tuairisc faoi phaisinéir ar bord traenach ag teacht go dtí an stáisiún.
Dúirt siad gur breathnaíodh ar an bhfear, ar shaoránach Éireannach é, go raibh arm tine amhrasach ina sheilbh aige.
Deir na gardaí nach líomhnaítear go ndearna an fear aon bhagairt ar aon phaisinéir ar bord.
Aslonnaíodh (evacuated) Stáisiún Uí Chonghaile agus rinne gardaí sciúradh slándála ar an stáisiún agus ar an traein ar a raibh an duine ina phaisinéir.
Tá sé ráite ag acu freisin go bhfuil eolas acu ar thráchtaireacht maidir leis an eachtra ar líne agus tá rabhadh tugtha acu faoi ‘mhífhaisnéis agus nuacht bhréige (disinformation and fake news)’.
Dúirt siad: ‘Arís eile, iarann an Garda Síochána ar an bpobal aon fhaisnéis a roinntear ar na meáin shóisialta agus/nó a sheoltar trí aipeanna a sheiceáil go neamhspleách.’
Tuigtear go raibh an fear ar an tseirbhís ó Shligeach go Baile Átha Cliath.
Dúirt urlabhraí de chuid an Gharda Síochána: ‘D’imlonnaigh (deployed) an Garda Síochána freagairt ar scála mór go tapa, lena n-áirítear roinnt Aonad Freagartha an Gharda Síochána Faoi Airm (Garda Armed Response Unit) atá lonnaithe i gCathair Bhaile Átha Cliath.’
Dúirt siad leis: ‘Gabhadh fear amháin (atá ina 50idí) ag an láthair agus tá sé faoi choinneáil faoi Alt 30 den Acht um Chiontaí in Aghaidh an Stáit, 1939.
‘Tá an t-arm tine amhrasach againn anois agus déanfar scrúdú teicniúil iomlán chun a stádas faoi reachtaíocht na hÉireann a chinneadh.
‘Le sábháilteacht iomlán an phobail a chinntiú, d’aslonnaigh Gardaí Stáisiún Uí Chonghaile agus rinne siad scuabadh slándála ar an stáisiún agus ar an traein ar a raibh an duine seo ina phaisinéir.’
D’oscail an stáisiún traenach arís níos déanaí agus deir na Gardaí nach bhfuil aon cheisteanna leanúnacha maidir le sábháilteacht an phobail mar gheall ar an eachtra.’
Dúirt urlabhraí le hIarnród Éireann gur cuireadh gach seirbhís chuig agus ó Uí Chonghaile ar fionraí le linn na heachtra idir 6.30pm agus 7.15pm.
Iarrtar ar aon duine a bhfuil eolas acu teagmháil a dhéanamh le Stáisiún Garda Stórais ar 01 666 8000, Líne Rúnda na nGardaí ar 1800 666 111 nó aon stáisiún Garda.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
