Tá a suíocháin Dála caillte ag an Aire Sláinte Stephen Donnelly agus Catherine Martin, a bhí ina hAire Turasóireachta, Cultúir, Ealaíon, Gaeltachta, Spóirt agus Meán.
Bhí Donnelly mar TD de chuid Fianna Fáil do Chill Mhantáin ach chaill sé é d’Edward Timmons ó Fhine Gael ar an gcomhaireamh deiridh.
Toghadh Donnelly mar Neamhspleách den chéad uair in 2011, bhí sé ar bharr na vótaíochta i gCill Mhantáin in 2016 nuair a bhí sé ina chomhcheannaire ar na Daonlathaithe Sóisialta.
D’fhág sé an páirtí i Meán Fómhair na bliana 2016 agus chuaigh sé isteach i bhFianna Fáil go luath in 2017.
Bhuaigh an tUasal Donnelly an suíochán deireanach i dtoghcheantar Chill Mhantáin in olltoghchán 2020.
Is olc an rud é cailliúint an Uasail Donnelly do pháirtí Fhianna Fáil ach bhí Olltoghchán rathúil ag an bpáirtí, le ar a laghad 43 suíochán a bhaint amach le 21.9% den vóta céad rogha.
Tá Fine Gael sa dara háit ó thaobh vótaí céad rogha ar 20.8%, chun tosaigh ar Shinn Féin ar 19%.
Tá ar a laghad 36 TD an ceann ag an dá pháirtí sin.
Agus líon iomlán na suíochán sa Dáil méadaithe ó 160 go 174 tar éis athbhreithniú a rinne an Coimisiún Toghcháin anuraidh, beidh ar a laghad 88 TD ag teastáil ón Rialtas nua.
Tá an Dáil le suí don chéad uair ar 18 Nollaig, ach seans nach mbeidh rialtas nua curtha le chéile faoin am sin.
Chaill Catherine Martin ón gComhaontas Glas a suíochán i mBaile Átha Cliath, Ráth.
Agus chaill roinnt airí sóisearacha a suíocháin, go príomha ón gComhaontas Glas.
Chaill Joe O’Brien, Ossian Smyth agus Malcom Noonan ón gComhaontas Glas a suíocháin, agus i nGaillimh Thoir tá Anne Rabbitte ó Fhianna Fáil tar éis a suíochán a chailleadh.
Ar an iomlán, titfidh ionadaíocht an Chomhaontais Ghlais i nDáil Éireann ó 12 shuíochán in 2020 go dtí suíochán amháin anois.
Atoghadh ceannaire an pháirtí Roderic O’Gorman ar an gcomhaireamh deiridh i mBaile Átha Cliath Thiar.
Ní raibh an t-iarcheannaire Eamon Ryan ag seasamh sa toghchán seo, chaill gach ceann de na deichniúr Teachtaí Dála eile a bhí ina suí a gcuid suíochán.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
