Chuir Teachtaí Dála neamhspleácha agus baill den Bhinse Cúil Fhianna Fáil feachtas rathúil ar bun i gcoinne chomhaontú trádála Mercosur chun brú a chur ar an Taoiseach vótáil ina choinne.
Tá eagla ar fheirmeoirí go mbeidh mairteoil agus éanlaith chlóis ar chostas íseal mar thoradh ar an gcomhaontú – agus mhéadaigh a n-imní an tseachtain seo nuair a dheimhnigh an Roinn Talmhaíochta gur tháinig mairteoil truaillithe (contaminated)ón mBrasaíl isteach i slabhra bia na hÉireann an mhí seo caite.
Dúirt ceannaire Shinn Féin, Mary Lou McDonald, go bhfuil cinneadh an Rialtais cur i gcoinne chomhaontú Mercosur ‘róbheag, rómhall’.
Ag labhairt le tuairisceoirí i mBaile Átha Cliath, dúirt Ms McDonald go raibh deiseanna iomadúla ag an gcomhrialtas an comhaontú a stopadh agus gur ‘theip go hiomlán’ orthu é sin a dhéanamh.
Gheall Clár an Rialtais cur i gcoinne an chomhaontaithe ina fhoirm reatha ach is cosúil gur oscail Micheál Martin an doras chun tacú leis an tseachtain seo.
Ag labhairt sa tSín Dé Céadaoin, dúirt ceannaire Fhianna Fáil go bhfuil ‘go leor dul chun cinn déanta’ ar Mercosur.
Ach chuir sé sin baill den Bhinse Cúil Fhianna Fáil ar buile agus ‘ghortaigh’ sé an Teachta Dála neamhspleách do Chiarraí, Danny Healy-Rae.
Chuir Teachtaí Dála neamhspleácha eile in iúl go soiléir go raibh siad i gcoinne Mercosur freisin.
Agus Déardaoin, d’fhógair an Taoiseach go drámatúil go vótálfadh an Rialtas i gcoinne an chomhaontaithe sa Bhruiséil Dé Sathairn.
Dúirt Uachtarán na Fraince, Emmanuel Macron, freisin go vótálfadh an Fhrainc i gcoinne Mercosur.
‘Vótálfaidh an Fhrainc i gcoinne an chomhaontú a shíniú,’ a dúirt sé ar X, ag glaoch margadh ‘ó ré eile’ air tar éis d’fheirmeoirí a dtarracóirí a thabhairt go Páras chun agóid a dhéanamh ina choinne.
Tá feirmeoirí Éireannacha i gcoinne chomhaontú an AE leis an Airgintín, an Bhrasaíl, Paragua agus Uragua, agus eagla orthu go mbeidh mairteoil agus éanlaith chlóis níos saoire mar thoradh air.
Mar sin féin bhí foinsí sinsearacha sa Rialtas ag rá go lagófaí seasamh na hÉireann sa Bhruiséil dá gcuirfeadh ár Rialtas i gcoinne comhaontú saorthrádála atá idir lámha le blianta fada, agus go bhfuil roinnt tíortha réidh chun é a dhaingniú.
Dúirt Michael Healy-Rae cheana féin go gcaithfidh siad ‘seasamh go daingean’ i gcoinne an mhargaidh.
‘Is é an rud is mó atá le rá agam ná go seasfaimid i gcoinne an mhargaidh is cuma cad a dhéanann aon duine eile,’ a dúirt sé.
Dúirt sé gurbh é a sheasamh ‘100%’ gur mian leis go bhfanfadh an Rialtas i gcoinne an mhargaidh.
Bhí rabhadh tugtha ag an nGrúpa Réigiúnach Neamhspleách (RIG) a thacaíonn leis an gComhrialtas i gcoinne daingniú.
Chun Mercosur a bhac, ní mór do cheithre thír san AE ar a laghad teacht le chéile agus, ní mór dóibh 35% de dhaonra an AE a bheith leo.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
