D’iarr an HSE go práinneach ar dhaoine an vacsaín fliú a fháil mar gheall ar shraith nua ‘an-imníoch’ a fhágann go raibh dhá oiread daoine in ospidéal in aon seachtain amháin.
Tuairiscíodh 418 cás san iomlán in ospidéil an tseachtain seo caite, i gcomparáid le 213 an tseachtain roimhe sin. Tá seachtar básaithe go dtí seo ón ngalar.
Faigheann thart ar 200 go 350 duine bás gach bliain anseo ón bhfliú. An geimhreadh seo caite, cuireadh 6,000 duine san ospidéal leis an víreas.
Tá séasúr an fhliú tugtha chun cinn thart ar thrí seachtaine níos luath i mbliana, agus tá ospidéil ag ullmhú le bheith faoi bhrú suntasach sna seachtainí roimh an Nollaig.
Dúirt an tOllamh le himdhíoneolaíocht chomparáideach (comparative immunology) i gColáiste na Tríonóide, Cliona O’Farrelly, go bhfuil teacht chun cinn an fliú nua ‘an-imníoch’.
Dúirt sí: ‘Agus an méid atá á rá linn faoin leagan nua á mheas, is cúis imní é.’
Dúirt sí: ‘Leis an seans méadaithe ionfhabhtaithe, gheobhaidh níos mó daoine bás. Mar sin, tá daoine scothaosta, othair ailse, daoine a bhfuil córais imdhíonachta (immunity) lagaithe acu agus leanaí nuabheirthe i mbaol.’
Scaipeann an cineál nua, ar a dtugtar H3N2, níos éasca ná cineálacha traidisiúnta fliú. D’fhéadfadh sé brú suntasach a chur ar ospidéil sna seachtainí amach romhainn, de réir an An Lárionad Faire um Chosaint Sláinte (Health Protection Surveillance Centre).
Dúirt an tOllamh le himdhíoneolaíocht turgnamhach (experimental immunology) i gColáiste na Tríonóide, Kingston Mills: ‘Tá sé sách difriúil ó na cineálacha roimhe seo a bhí ag scaipeadh, mar sin níl imdhíonacht ag daoine dó.
‘Tá siad níos dóichí ionfhabhtaithe agus go bhfaighidh siad comharthaí tromchúiseacha. Tá na huimhreacha ó sé mhí ó shin [sa gheimhreadh] san Astráil agus in Oirdheisceart na hÁise an-ard.’ Léiríonn siad seo an méid a d’fhéadfadh tarlú san Eoraip agus i Meiriceá Thuaidh dár ngeimhreadh.’
Thug sé rabhadh, cé nach mbeadh an strus níos marfaí go teicniúil, go gciallódh leibhéal níos ísle imdhíonacht go mbeadh sé níos marfaí do ghrúpaí atá i mbaol.
Tugadh comhairle do dhaoine a bhfuil an baol is airde deacrachtaí acu a vacsaín fliú a fháil ag an HSE.
D’iarr an HSE ar dhaoine fanacht sa bhaile freisin má tá comharthaí orthu agus gan cuairt a thabhairt ar ospidéil nó ar thithe altranais má bhraitheann siad tinn.
I gcás daoine os cionn 60 bliain d’aois, iad siúd a bhfuil fadhbanna acu, mná torracha agus daoine a bhfuil fadhbanna imdhíonta acu, tá sé ríthábhachtach gníomhú anois chun iad féin a chosaint, a dúirt an Dr Colm Henry, príomhoifigeach cliniciúil an HSE.
Dúirt an tOllamh O’Farrelly: ‘Ba chóir do gach duine an vacsaín fliú a fháil, tá sé chomh simplí leis sin. Murab é an cineál seo é, beidh ceann eile ann.
‘Is mór an trua nach bhfuil daoine ag fáil a gcuid vacsaíní. Ní chuirfidh an vacsaín cosaint foirfe ar fáil. Is é an rud a chosnaíonn sé ina choinne ná tinneas tromchúiseach agus bás.’
Tá HSE tar éis impí ar oibrithe cúram sláinte vacsaínithe a fháil a luaithe is féidir mar go dtógfaidh sé dhá sheachtain chun go mbeidh sé lánéifeachtach, agus ag an bpointe sin d’fhéadfadh i bhfad níos mó daoine a bheith ionfhabhtaithe.
Tá an vacsaín ar fáil saor in aisce ó dhochtúirí teaghlaigh agus ó chógaslanna dóibh siúd atá 60 bliain d’aois nó níos sine, leanaí idir 2-17 mbliana d’aois, oibrithe sláinte agus mná torracha.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
