Bhí an tUachtarán Catherine Connolly gléasta ó bhonn go barr i scáth ríoga corcra agus bhí súile an phobail uirthi agus í ag teacht chuig insealbhú na huachtaránachta Dé Máirt.
Chuir an tUachtarán nua Éireannach cumhacht i láthair trína stíl éadaí agus í ag siúl ar an gcairpéad dearg i gCaisleán Bhaile Átha Cliath, agus cóta corcra aimitis (amethyst) uirthi, le blús síoda chorcra agus brístí olann chorcra.
Is comhartha siombalach é rogha an Uachtaráin ar an dath corcra, ag tagairt don oifig is airde sa tír, mar go léiríonn corcra dínit agus cumhacht go traidisiúnta.
B’ómós don fhaisean Éireannach a héadaí, mar bhí sí ag caitheamh píosaí ó bhailiúchán nua fómhair Louise Kennedy, dearthóir Éireannach.
Ba é an cóta olann Maya Double-Face a bhí uirthi, i scáth corcra aimitis gheal, go dtí na glúine, le cruth scaoilte a luíonn go galánta ar ghualainn an Uachtaráin nua, agus é in áit seaicéid. Tá sé ar fáil i dtomhas XS nó XL agus cosnaíonn sé €1,995.
Chuir sí an cóta le dhá phíosa eile ón mbailiúchán céanna: an blús síoda Orelia agus na brístí olann Julie, araon sa scáth corcra céanna.
Cosnaíonn an blús Orelia €1,295 agus tá sé déanta as síoda dúbailte ‘georgette’, le mionsonraí ‘pintuck’ ar na cnaipí. Tá painéal tosaigh scaoilte ann gur féidir a cheangal i gcuachóg nó a fhágáil scaoilte, agus d’fhág an tUachtarán scaoilte é.
Chríochnaigh sí an cuma leis na brístí Julie, leathan sa chos, a chosnaíonn €995 agus a thugann cruth struchtúrtha don chulaith.
Le costas iomlán €4,285, tá an chulaith seo thar bhuiséad na gnáthdhaoine, ach ba chulaith í a bhí oiriúnach don Uachtarán don ócáid speisialta seo nuair a bhí sí ag déanamh ionadaíochta ar Éirinn.
Agus an tUachtarán le feiceáil in éadaí chomh hálainn Éireannach ar scáileáin ar fud an domhain, ní dhéanfaidh a cuid éadaí ach rudaí iontacha don tionscal faisin in Éirinn.
Agus níor stad sí ansin.
Seachtain roimh insealbhú, thug sí agus a fear céile Brian cuairt ar Mhícheál D. Ó hUigínn agus a bhean Sabina san Áras.
Roghnaigh sí barr speisialta ó bhranda Éireannach don chuairt. Ba é an barr NAYA le muineál tonnadóir agus muinchillí fada a chaith sí, den chuid is mó béasa le patrún dubh ar thaobh amháin.
Deir branda NAYA gur stíl uathúil agus discréideach atá ann, le ‘flair’ scaoilte, agus tá raon priontaí gleoite acu. Chuir an tUachtarán bróiste leis an mbarr agus chríochnaigh sí an cuma le brístí dubha agus buataisí.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
