Dúirt RTÉ nach mbeidh aon athrú ar a chlúdach ar chluichí spóirt ina bhfuil Iosrael páirteach, cé gur mhaígh siad go mbeadh sé ‘do-ghlactha’ páirt a ghlacadh san Eoraifíse má cheadaítear d’Iosrael a bheith ann, ‘mar gheall ar an gcaillteanas uafásach agus leanúnach saoil i nGana’.
Tá brú ag méadú ar eagraíochtaí spóirt agus craoltóirí chun foirne Iosraelacha a chur amach, de bharr líomhaintí ionsaithe Iosraelacha ar Phalaistínigh sa Mheánoirthear.
Tá Cumann Peile na hÉireann (FAI) tar éis glaoch ar UEFA agus FIFA seasamh láidir a ghlacadh maidir le cead a thabhairt d’Iosrael páirt a ghlacadh i gcomórtais idirnáisiúnta.
Roimh chluiche cáilithe Chorn an Domhain in aghaidh na hUngáire an tseachtain seo caite, ag Staid Aviva i mBaile Átha Cliath, thaispeáin lucht tacaíochta na hÉireann banna le ‘Show the red card to Israel’ air.
Thug Comhdháil Peile na hÁise tacaíocht freisin do ghníomh in aghaidh Iosrael, agus dúirt Uachtarán an PFA, Jibril Al-Rajoub, nach féidir le FIFA neamhshuim a dhéanamh de ‘sháruithe ná den ghinmhilleadh leanúnach sa Phalaistín’.
Dúirt Eko, eagraíocht neamhbhrabúis um cheartas sóisialta, go bhfuair siad liosta go daoine ag iarraidh ar FIFA, Coiste Oilimpeach Idirnáisiúnta agus comhlachtaí spóirt eile, Iosrael a chur amach, le breis is 380,000 síniú.
Cuireadh deireadh le céimeanna deireanacha rás cáiliúil rothaíochta na Spáinne – Vuelta a España – mar gheall ar na mílte agóidí a bhí ag cur bac ar an rás.
Bhí foireann darb ainm Israel-Premier Tech páirteach sa rás, rud a spreag agóidí móra sa Spáinn. Mar thoradh air sin, ní bheidh cead ag an rás críochnú.
Dúirt Aire Spóirt na Spáinne, Pilar Alegría, gur cheart foirne Iosraelacha a chur as mar a rinneadh le foirne na Rúise in 2022 , i ndiaidh na Rúise ionradh a dhéanamh ar an Úcráin.
Dúirt sé gur ‘Tadhg an dá thaobhachas (double standards)’ é gan Iosrael a chur as.
Thaispeáin Príomh-Aire na Spáinne, Pedro Sanchez, a mheas don lucht agóide. Dúirt sé: ‘Tá ár meas agus ár n-aithne ar na lúthchleasaithe, agus ár n-ómós don phobal Spáinneach atá ag gníomhú ar ar son cúiseanna atá cóir, cosúil le cúis na Palaistíne.’
Thug rialtas na Spáinne ‘cinedhíothú’ ar ionsaí Iosrael ar Ghaza.
I Montreal, gabhadh lucht agóide nuair a tháinig na céadta le chéile ar chúrsa an Grand Prix Cycliste Dé Domhnaigh, ag cur i gcoinne rannpháirtíocht na foirne Israel-Premier Tech.
Le buillí na ndrumaí, bhí bratacha Palaistíneacha á n-ardú agus mana á scairteadh: ‘Diúltaigh don Grand Prix, cuir Israel-Premier Tech as’ agus ‘dlúthpháirtíocht leis an Phalaistín’.
I bpost ar na meáin shóisialta, d’iarr na grúpaí Cyclists for Palestine, Palestinian and Jewish Unity (PAJU), agus Divest for Palestine ar an bpobal gníomhú, agus d’iarr siad ar lucht eagraithe agus urraitheoirí an rása ‘foireann atá páirteach sa ghinmhilleadh a chur as na Grands Prix i Québec’.
Tá FIFA, eagraíocht dhomhanda sacair, faoi bhrú freisin foirne Iosraelacha a chur faoi chois.
Fógraíodh Dé hAoine go bhfuil RTÉ tar éis cinneadh gan ionadaí Éireannach a chur chun páirce sa 70ú heagrán den Eoraifís má cheadaítear d’Iosrael páirt a ghlacadh.
Agus dúirt an Spáinn go ndéanfaidh sí an rud céanna.
Dúirt RTÉ freisin nach gcraolfaidh sé na babhtaí leathcheannais ná an chraobh i Vín i Mí na Bealtaine seo chugainn má bhíonn Iosrael páirteach, mar gheall ar an gcogadh leanúnach i nGaza.
Dúirt RTÉ: ‘Bheadh páirtíocht na hÉireann do-ghlactha mar gheall ar an gcaillteanas uafásach agus leanúnach saoil i nGaza.’
Luaigh an craoltóir freisin go bhfuil imní mhór air faoi mharuithe dírithe ar iriseoirí i nGaza, an bac ar iriseoirí idirnáisiúnta dul isteach sa chríoch, agus cruachás na ndaoine atá fós ina ngiall.
Tháinig an cinneadh seo i ndiaidh don tSlóivéin bagairt a dhéanamh ar tharraingt siar ón gcomórtas má bhíonn Iosrael páirteach.
Dúirt urlabhraí Eoraifíse gur le gach tír féin atá an cinneadh páirt a ghlacadh.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
