Tá polasaí ‘Tadhg an dá thaobhachas (double standards)’ na hEorpa agus an iarthair maidir leis na cogaí san Úcráin agus i nGaza ag bagairt seasamh domhanda an réigiúin a lagú, dar leis an bPríomh-Aire Spáinneach, Pedro Sánchez.
Dúirt sé gur ceann de na heachtraí is dorcha i gcaidreamh idirnáisiúnta san 21ú haois é freagra an domhain ar ionsaí Iosrael ar chríoch na Palaistíne.
I gcomhrá leis an nuachtán The Guardian, mhaígh an ceannaire sóisialach freisin go raibh na Stáit Aontaithe, faoi cheannaireacht Donald Trump, ag iarraidh deireadh a chur leis an ord domhanda bunaithe ar rialacha a cruthaíodh i ndiaidh an Dara Cogadh Domhanda.
Thug sé cosaint freisin do na tairbhí a bhaineann le hinimirce agus lochtaigh sé páirtithe traidisiúnta ar an eite dheas as an gcomhaontú maidir leis an ngéarchéim aeráide a bhriseadh trí pholasaithe a gcuid iomaitheoirí pobail a ghlacadh.
Is é Sánchez an chéad cheannaire Eorpach sinsearach a chuir cúis ghein mharaithe i leith Iosrael i nGaza.
Dúirt sé go raibh sé sásta go raibh tíortha Eorpacha eile ag leanúint sampla na Spáinne trí stát na Palaistíne a aithint, ach d’admhaigh sé go raibh freagra lag na hEorpa.
‘Teip atá ann,’ a dúirt sé. ‘Go hiomlán. Is í an fhírinne freisin ná go bhfuil tíortha san Aontas Eorpach atá roinnte maidir le conas tionchar a dhéanamh ar Iosrael agus Gaza.
‘Ach dar liomsa, níl sé inghlactha agus ní féidir linn leanúint ar aghaidh mar seo má táimid dáiríre faoi chreidiúnacht a chothú i gcaidrimh eile, cosúil leis an gcás san Úcráin.
‘Tá fréamhacha na gcogaí seo go hiomlán difriúil, ach ag deireadh an lae, tá an domhan ag féachaint ar an AE agus ar an tsochaí iartharach agus ag fiafraí: “Cén fáth go bhfuil polasaí Tadhg an dá thaobhachas (double standards) agaibh maidir leis an Úcráin agus Gaza?”‘
‘Is dócha gurb é an rud atáimid ag féachaint air i nGaza anois ná ceann de na heachtraí is dorcha i gcaidreamh idirnáisiúnta san 21ú haois, agus sa chomhthéacs sin, is féidir liom a rá go bhfuil an Spáinn an-ghníomhach laistigh den AE agus sa phobal idirnáisiúnta,’ a dúirt sé.
‘Laistigh den AE, táimid tar éis moladh go gcuirfí ar fionraí an comhpháirtíocht straitéiseach atá ag an AE le hIosrael.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
