Fuair duine bás le listeriosis agus tá bia aistarraingthe (recalled). Cad é?

Tar éis bás duine amháin tá foireann náisiúnta ag fiosrú ráig fhorleathan listeriosis, a dúirt an FSAI agus an HSE

Tá duine básaithe tar éis dó ionfhabhtú baictéarach neamhchoitianta ar a dtugtar listeriosis a tholgadh i measc ráig ‘leathan’.

Tá liosta de na bianna atá aistarraingthe foilsithe ag Údarás Sábháilteachta Bia na hÉireann (Food Safety Authority of Ireland, FSAI) agus tá sé ar líne. CLICEÁIL ANSEO.

Deimhníodh naoi gcás eile listeriosis agus tá na béilí réamhullmhaithe aistarraingthe mar réamhchúram.

I measc na mbéilí ullmhaithe  – arna dtáirgeadh ag Ballymaguire Foods agus arna ndíol ag Tesco, Supervalu, Centra agus Aldi – tá pióg an aoire, lasagnaí, bácáil pasta, cuirí agus miasa prátaí.

Iarrtar ar mhonaróirí, ar mhiondíoltóirí agus ar mhórdhíoltóirí na táirgí a bhaint den díol agus iarrtar ar thomhaltóirí gan iad a ithe.

CAD É LISTERIOSIS?

Is féidir le listeriosis a fháil de ghnáth trí bhia truaillithea ithe. Is féidir leis comharthaí éadroma cosúil leis an bhfliú, nó masmas (nausea), urlacan (vomiting) agus buinneach (diarrhoea), a chur faoi deara.

Is annamh a dhéantar ionfhabhtuithe tromchúiseacha ó listeriosis agus is annamh a dhiagnóisiú é i leanaí agus i ndaoine fásta sláintiúla.

CÉ ATÁ I mBAOL?

Tá mná torracha, leanaí agus daoine a bhfuil córais imdhíonachta (immune systems) lagaithe acu, lena n-áirítear daoine scothaosta, i measc na ndaoine a d’fhéadfadh a bheith níos leochailí don ionfhabhtú.

Is trí seachtaine ar an meán an tréimhse idir an chéad ionfhabhtú agus an chéad chomharthaí le feiceáil, ach is féidir go mairfidh sé idir trí agus 70 lá.

‘Tá foireann náisiúnta rialaithe ráige ag fiosrú ráig fhorleathan listeriosis faoi láthair,’ a dúirt an FSAI agus an HSE.

‘Tá aistarraingt  réamhchúraim dheonach ar bhia béilí réidh le téamh ar siúl mar gheall ar nasc leis an ráig.’

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil