Deir laoch a bhí le Corcaigh, Jimmy Barry-Murphy, go bhfuil seans iontach ag a chontae Corn Liam Mhic Cárthaigh a bhaint an uair seo, ach deir leas-chaptaen Thiobraid Árann, Jake Morris, go bhféadfadh a chomhghleacaithe óga na tráchtairí a chur ina dtost.
Idir an dá linn, tá Met Éireann ag tabhairt rabhadh do na 80,000 lucht tacaíochta atá ag taisteal go Páirc an Chrócaigh go mbeidh báisteach throm ann le toirneach agus tintreach.
Dar le Met Éireann, táthar ag súil go mbeidh na coinníollacha seo i gceantair éagsúla – Corcaigh, Ciarraí, Gaillimh, agus Baile Átha Cliath san áireamh – chomh maith le tuile thobann agus clocha sneachta.
Mar sin féin ní chuirfidh sé sin isteach ar laoch iomána Chorcaí, Jimmy Barry-Murphy.
Creideann sé go mbeidh foirne Pat Ryan in ann an Corn a thabhairt leo Dé Domhnaigh, is cuma cén aimsir a bheidh ann.
Ag labhairt dó ar Today with Claire Byrne ar RTÉ Raidió 1, dúirt sé: ‘Tá obair den scoth déanta ag Pat Ryan ag coinneáil na n-imreoirí bunaithe agus dírithe.’
Bhain Barry-Murphy cúig chraobh iomána amach agus craobh amháin peile mar imreoir, agus bhain sé craobh eile mar bhainisteoir i 1999. Dúirt sé: ‘Tá Pat ag déanamh go hiontach i rith na bliana, ar an bpáirc agus as.
‘Fiú sna hagallaimh tar éis na gcluichí, tá sé an-stuama. Tá a fhios aige cad atá i gceist agus cad atá le déanamh chun na himreoirí a ullmhú.’
Mar sin féin, thaispeáin Tiobraid Árann a gcumas dul i ngleic leis na hócáidí móra nuair a sháraigh siad Cill Chainnigh sa chluiche deireanach.
Tá Tiobraid Árann ag teacht óna scáth tar éis dóibh gan éalú as Mumhain anuraidh.
Is minic go mbíonn buntáiste ag baint leis sin, go háirithe nuair atáthar ag súil go mór le bua ó Chorcaigh i bhfianaise a mbuanna go dtí seo i 2025.
Agus admhaíonn Barry-Murphy go bhfuil an tuiscint ann go bhfuiltear ag súil le bua óna chontae féin.
‘Níl aon dabht ach gurb iad Corcaigh na rogha is fearr,’ a dúirt sé.
‘Tá Tiobraid Árann ag déanamh go hiontach i mbliana agus caithfidh mé a admháil go bhfuil obair den scoth déanta ag Liam Cahill, go háirithe tar éis bliana an-díomá anuraidh – rud a dúirt sé féin.’
Dúirt sé: ‘Tá a fhios againn go raibh an phian orainn anuraidh agus sílim go mbíonn spreagadh ollmhór ag imreoirí nach bhfuil craobh buaite acu fós agus tá go leor imreoirí i dTiobraid Árann sa suíomh céanna.
‘Ach tar éis na díomá anuraidh, sílim go mbeidh spreagadh ollmhór ag Corcaigh dul agus é a bhaint Dé Domhnaigh.
‘Creidim go fírinneach. Tá na seanchluichí ar eolas againn go léir – caithfidh tú teacht ar an lá agus caithfidh tú cur i láthair. Le bheith fírinneach, tá a fhios ag na leaids nach raibh go leor acu ag imirt go barr a chumas anuraidh.
‘Sílim go ndéanfaidh siad é Dé Domhnaigh agus tá súil agam go n-éireoidh leo.’
Mar sin féin, tá foireann le athfhuinneamh (renewed vigour) ag Tiobraid Árann ag súil le Barry-Murphy a chur ina thost, ach beidh sé deacair tar éis do Chorcaigh bhua 15 pointe a fháil orthu níos luaithe i mbliana.
Mar sin féin, bhíodar síos go 14 imreoir don chluiche ar fad mar gur tugadh cárta dearg do Darragh McCarthy.
Agus ansin i gcluiche leathcheannais na hÉireann in aghaidh Chill Chainnigh, bhí an fhadhb chéanna acu ar feadh an 15 nóiméad dheireanach.
Tá Jake Morris, leas-chaptaen Thiobraid Árann, bródúil as an bhealach ar imir a chomhghleacaithe sna cluichí sin, ag rá gur cuma cé chomh fada siar a bhíodar, níor ghéilleadar.
Dúirt sé: ‘Táimid á dhéanamh é sin ar feadh na bliana, fiú nuair a chuamar síos go 14 imreoir i gCorcaigh, d’fhan muid ag iarraidh. Sin rud a bhí ar eolas againn ón tús.’
Dúirt sé freisin nach mbíonn sé i gcónaí ina mhíbhuntáiste dul síos go 14 imreoir. Bíonn foirne ag suí siar, mar a tharla i gcluiche Luimnigh in aghaidh Bhaile Átha Cliath.
‘Tá a fhios againn san iománaíocht sa lá atá inniu ann go bhféadfadh aon rud tarlú, agus caithfidh tú fanacht ag iarraidh,’ a dúirt sé.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
