Tá Norman Tebbit, iar-aire caibinéid sa Bhreatain agus duine de na comhbhaill ba dhílse ag Margaret Thatcher, tar éis bháis a fháil in aois a 94.
Bhain sé clú amach sna 1980idí nuair a mhol sé do dhaoine dífhostaithe dul ‘ar a rothar’ agus post a lorg – cé nár úsáid sé an frása sin go díreach riamh.
Dúirt sé gur théadh a athair amach ar a rothar gach maidin sna 1930idí ag lorg oibre.
Bhí an ráiteas sin ina shiombail, dar le lucht an fhreasúra, ar neamhshuim na gCoimeádach i leith na dífhostaíochta a bhí ag méadú ag an am.
Thug Michael Foot ó Pháirtí an Lucht Oibre cur síos air mar ‘polecat leath-oilte (semi-house-trained polecat)’.
Ach ghlac Tebbit leis an íomhá sin mar ‘duine crua’ agus é ag tacú le polasaithe margaidh shaor Thatcher, a rinne dochar mór do phobail ar fud na Breataine.
Le linn a shaoil pholaitiúil, bhí sé ina Rúnaí Fostaíochta, Rúnaí Trádála agus Tionscail, Seansailéir Dhúcacht Lancaster, agus ina Chathaoirleach ar Pháirtí Coimeádach.
Dheimhnigh a mhac William a bhás i ráiteas: ‘Ag 11.15 i.n. ar an 7 Iúil 2025, fuair an Tiarna Tebbit bás go síochánta sa bhaile, in aois a 94.
‘Iarrann a theaghlach meas ar a bpríobháideachas ag an am seo. Déanfar ráiteas eile faoi shochraid amach anseo.’
Mar Rúnaí Fostaíochta, thug Tebbit aghaidh ar na ceardchumainn, agus mar Chathaoirleach an pháirtí idir 1985 agus 1987, chuidigh sé le Thatcher a tríú bua toghcháin a bhaint amach.
Gortaíodh go dona é i mbuamáil Brighton in 1984, eachtra a d’fhág a bhean chéile Margaret pairilis óna muineál síos.
Bhí sé mar MP do Epping agus Chingford ar feadh 22 bliain sular ceapadh é mar Thiarna Tebbit de Chingford i dTeach na dTiarnaí. D’éirigh sé as i 2022.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
