Tá tréimhse fhada spéartha gorma agus solas na gréine at teacht an tseachtain seo, de réir na Met Éireann.
Meastar go sroichfidh an teocht 26C, cé go mbeidh báisteach éigin i dtosach.
Sainmhíníonn Met Éireann tonn teasa mar chúig lá as a chéile le teochtaí os cionn 25C – agus léiríonn na cairteacha aimsire go bhféadfaimis é sin a bhaint amach nó fiú dul níos faide.
Tugann na réamhaisnéisí reatha, atá faoi réir athraithe, le fios go mbeidh ardú de réir a chéile ó na luath-20idí ag tús na seachtaine go teochtaí i bhfad níos airde.
Beidh tréimhsí gréine ann Dé Luain, ach beidh sé scamallach i dtuaisceart Chonnacht agus Uladh le ceathanna báistí, de réir Met Éireann.
Beidh an teocht is airde thart ar 14C sa tuaisceart thiar, ag ardú go dtí 23C sa deisceart thoir faoi ghaotha measartha.
Beidh Dé Máirt scamallach don chuid is mó, le báisteach agus ceo, ach fanfaidh sé tirim san oirthear.
Beidh an teocht idir 17C agus 22C le gaotha éadroma go measartha ón iarthar, de réir Met Éireann.
Tosóidh Dé Céadaoin scamallach, ach gheobhaidh sé níos gile de réir a chéile le solas na gréine agus teochtaí ag ardú go dtí 23C, is teo sa deisceart, le gaoth éadrom ón iarthar.
Beidh Déardaoin tirim arís le tréimhsí gréine, cé go mbeidh ceathanna scaipthe i rith an lae, de réir Met Éireann.
Meastar go mbeidh sé an-te le teochtaí idir 20C agus 25C agus gaoth éadrom ó dheas.
Cé go mbeidh sé tirim ar dtús Dé hAoine, beidh an aimsir níos athraitheach ag deireadh na seachtaine le báisteach ón Aigéan Atlantach agus gaotha láidre féideartha.
Tugtar le fios go mbeidh Dé Sathairn agus Dé Domhnaigh ar na laethanta is teo, agus go bhféadfadh an teocht dul chomh hard le 27C.
Deir Met Éireann go bhfuil ‘comhartha beag ann go mbeidh ardbhrú ann’, rud a léiríonn aimsir níos socra.
Deir siad freisin go mbeidh na teochtaí ‘os cionn an mheáin’ don am seo den bhliain.
Réamhaisnéis na haimsire = Weather forecast
Drochaimsir = Bad weather
Báisteach = Rain
Ceo = Fog
Ceobhráin = Mist or drizzle
Brádán báistí = Drizzle
Múraíl báistí = Showers of rain
Sneachta = Snow
Flithshneachta = Sleet
Clocha sneachta = Hailstones
Faoi bhun an reophointe = Freezing
Sioc = Frost
Tréimhsí Gréine = Sunny spells
Ráigeannaí báistí = Bursts of rain
An ghaoth aduaidh = The wind from the north
An ghaoth aneas = The wind from the south
An ghaoth aniar = The wind from the west
An ghaoth anoir = The wind from the east
An ghaoth aniar aduaidh = The wind from the northwest
An ghaoth aniar aneas = The wind from the southwest
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
