Tá cluichí an CLG don cheathrú ceannais réamhchéime (preliminary) sa Pheil Sinsearach i gCraobh na hÉireann eagraithe anois agus tá ealas faoi na hamanna agus na háiteanna a mbeidh na cluichí ar siúl ar fáil anseo.
Agus tá eolas anseo freisin faoi na cluichí leathcheannais Chorn Tailteann CLG agus an iomáint ag an deireadh seachtain.
Sheachain Baile Átha Cliath agus Ciarraí imirt a chéile – cé gur beag nár tharla sé.
Beidh na ceithre fhoireann sa dara háit, ó na babhtaí grúpa ar Chraobh na hÉireann an CLG, ag imirt sa bhaile i gcoinne na gceithre fhoireann sa tríú háit.
Mar sin féin, theastaigh uathu nach mbeadh cluichí ceannais cúige ann arís agus, nuair ab fhéidir, nach mbeadh cluichí ó chéim na ngrúpaí ann.
Tarraingíodh Baile Átha Cliath amach le himirt i gcoinne an Chabháin, ach cé go raibh an cluiche sin ceart go leor, d’fhágfadh sé Ciarraí ag imirt i gcoinne Chorcaí.
D’imir siad i gcoinne a chéile i gcluiche ceannais na Mumhan agus ní fhéadfaidís imirt i gcoinne a chéile arís.
Mar sin bhí tarraingt eile ann – agus bheadh ar Bhaile Átha Cliath imirt i gcoinne Chiarraí nó Chorcaí.
Mar sin chuaigh an liathróid ar ais isteach agus an uair seo is é Baile Átha Cliath v Corcaigh a bhí ann.
Agus imreoidh Ciarraí i gcoinne an Chabháin.
Na foirne CLG a tháinig sa dara háit ná: Baile Átha Cliath, Dún na nGall, An Dún agus Ciarraí.
Agus na foirne CLG a tháinig sa tríú háit ná: An Cabhán, Corcaigh, Gaillimh agus Lú.
Is iad Tír Eoghain, An Mhí, Muineachán agus Ard Mhacha buaiteoirí an ghrúpa atá tríd go dtí na cluichí ceathrú ceannais cheana féin, agus imreoidh siad buaiteoirí na gceithre chluiche an deireadh seachtaine seo.
CLG: Craobhchomórtas Peile Sinsearach na hÉireann, cluichí ceathrú ceannais réamhchéime (preliminary)
Dé Sathairn, 21 Meitheamh
Ciarraí v An Cabhán, Staid a’ Ghearaltaigh (Fitzgerald Stadium), 3.30pm
Baile Átha Cliath v Corcaigh, Páirc an Chrócaigh, 6.15pm
Dé Domhnaigh, 22 Meitheamh
An Dún v Gaillimh, Páirc Esler, 1.45pm
Dún na nGall v An Lú, Páirc Mhic Chumhaill, 4pm
Cluichí leathcheannais Chorn Tailteann
Dé Domhnaigh, 22 Meitheamh
Cill Mhantáin v Luimneach, Páirc an Chrócaigh, 2pm
Cill Dara v Fear Manach, Páirc an Chrócaigh, 4pm
Cluichí ceathrú ceannais Craobhchomórtas Iomána Sinsearach na hÉireann
Dé Sathairn, 21 Meitheamh
Luimneach v Baile Átha Cliath, Páirc an Chrócaigh, 4pm
Gaillimh v Tiobraid Árann, Páirc na nGael (Gaelic Grounds), 6.15pm
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
