Tá sé beagnach deimhnithe anois go mbeidh Josh van der Flier agus Garry Ringrose ar ais i scuad Laighean (Leinster) don chluiche ceannais URC Dé Sathairn seo chugainn i gcoinne na Bulls i bPáirc an Chrócaigh.
Ni raibh der Flier agus Ringrose ann don bua a bhí ag foireann Laighean in aghaidh Ghlaschú (37-19) mar gheall ar ghortuithe.
Ach beidh an bheirt imreoir, atá le taisteal go dtí an Astráil leis na Lions an mhí seo chugainn, ar fáil do roghnú Dé Sathairn do scuad Laighean.
Cé gur dea-scéal é sin do Leo Cullen agus a fhoireann Laighean, ní bheidh Tadhg Furlong nó Hugo Keenan, atá fós ag streachailt le gortú lao, ar fáil. Beidh an beirt sin le taisteal go dtí an Astráil leis na Lions an mhí seo chugainn freisin.
Ag an am céanna, tá Finlay Bealham ó Chonnacht le dul isteach leis na Lions mar imreoir clúdaigh roimh an gcluiche i gcoinne na hAirgintíne an 20 Meitheamh i bPáirc an Aviva.
Tháinig an bua i gcoinne Ghlaschú tar éis tréimhse lag feidhme ó chaill siad i gcoinne Northampton i gcluiche leathcheannais na gCorn Eorpach cúig seachtaine ó shin.
Le sé thrasnú, d’fhan foireann Laighean dírithe agus d’fhógair siad iad féin mar cheannródaithe don teideal.
Labhair Joe McCarthy go paiseanta tar éis an chluiche, ag rá go bhfuil na himreoirí ag úsáid an cáineadh poiblí mar spreagadh.
‘Tá gach duine i gcoinne Laighin.’ a dúirt sé.
Cé nach ndearna an captaen Jack Conan tacaíocht iomlán leis an ráiteas sin, d’admhaigh sé go mbíonn áthas ar dhaoine nuair a theipeann ar fhoireann Laighean.
‘Ní dóigh liom go bhfuil gach duine inár gcoinne, ach cinnte is maith le daoine nuair nach n-éiríonn linn,’ a dúirt Conan.
‘Nílim féin mór le meáin shóisialta – déanann tú iarracht an torann sin a bhlocáil. Tá muid ag imirt ar son na ndaoine a thagann i gcónaí, bíodh an aimsir go maith nó go dona.’
Tá diongbháilteacht le feiceáil sa ghrúpa, agus dúirt Conan go bhfuil siad ag iarraidh lá mór a thabhairt do roinnt imreoirí atá ag fágáil, cosúil le Cian Healy, Ross Byrne, agus an Nua-Shéalannach Jordie Barrett.
‘Tá Church (Healy) tar éis a shaol iomlán a chaitheamh leis an gclub. Bhí Ross dílis i gcónaí,’ dúirt sé.
‘Bhí tionchar mór ag Jordie chomh maith. Tá sé tábhachtach dúinn seachtain eile a thabhairt dóibh agus deireadh ceart a chur lena gcuid ama linn,’ a dúirt sé.
Gortaíodh é go dona i gcoinne na Sharks agus táthar ag súil nach mbeidh sé aclaí in am.
Idir an dá linn, ní bheidh Cameron Hanekom, uimhir 8 chumhachtach na Bulls, ar fáil don chluiche ceannais. Beidh Marco van Staden in a áit.
Tá Laighin ag lorg a gcéad teideal URC ó 2021 agus beidh siad ag iarraidh a thaispeáint Dé Sathairn go bhfuil siad fós i measc na bhfoirne is fearr san Eoraip.
Laighean: Jimmy O’Brien; Tommy O’Brien, Garry Ringrose, Jordie Barrett, James Lowe; Sam Prendergast, Jamison Gibson-Park; Andrew Porter, Dan Sheehan, Thomas Clarkson; Joe McCarthy, James Ryan; Ryan Baird, Josh van der Flier, Jack Conan (captaen).
Ionadaithe: Rónan Kelleher, Jack Boyle, Rabah Slimani, RG Snyman, Max Deegan, Luke McGrath, Ross Byrne, Jamie Osborne.
Bulls: Willie le Roux; Canan Moodie, David Kriel, Harold Vorster, Sebastian de Klerk; Johan Goosen, Embrose Papier; Jan-hendrik Wessels, Johan Grobbelaar, Wilco Louw; Cobus Wiese, JF van Heerden; Marco van Staden, Ruan Nortje (captaen), Marcell Coetzee.
Ionadaithe: Akker van der Merwe, Alulutho Tshakweni, Mornay Smith, Jannes Kirsten, Nizaam Carr, Zak Burger, Keagan Johannes, Devon Williams.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
