Dúirt an Taoiseach go raibh Fórsaí Cosanta Iosrael ag úsáid ‘ghníomh ionsaitheach, imeaglach (intimidating) agus foréigneach’.
D’fhoilsigh Micheál Martin an ráiteas láidir tar éis d’arm Iosrael urchair a scaoileadh mar rabhadh do ghrúpa taidhleoirí, beirt acu as Éirinn, sa Bhruach Thiar.
Chuir aireacht eachtrach na Palaistíne i leith Iosrael go raibh siad ‘ag díriú d’aon ghnó le urchair a scaoileadh ar thoscaireacht taidhleoireachta creidiúnaithe (accredited diplomatic delegation)’.
Dúirt taidhleoir Eorpach gur chuaigh an grúpa go Jenin, cathair i Stát na Palaistíne sa Bhruach Thiar atá faoi fhorghabháil Iosrael, chun an scrios, a rinne míonna d’oibríochtaí Iosraelacha, a fheiceáil.
D’admhaigh an arm gur scaoil siad urchair le linn cuairte toscaireacht de chuid ón Eoraip, a raibh Éireannaigh ina measc, ar an mBruach Thiar.
Dúirt siad gur scaoileadh na hurchair d’aon ghnó mar gheall go raibh an toscaireacht ann agus mhaígh siad gur urchair rabhaidh a bhí iontu.
Tharla sé seo agus brú ag méadú ar Iosrael cúnamh a cheadú isteach i nGaza.
Mhaígh an arm gur ‘imigh an toscaireacht ón mbealach ceadaithe’, rud a spreag trúpaí chun ‘urchair rabhaidh’ a scaoileadh chun iad a choinneáil ar shiúl ó ‘limistéar nach raibh údarás acu a bheith ann’.
Cháin Simon Harris an eachtra freisin.
Dúirt an tAire Gnóthaí Eachtracha: ‘Táim scanraithe faoi na tuairiscí gur scaoil an IDF urchair i gcomharsanacht cuairte ar Jenin ag grúpa taidhleoirí, lena n-áirítear beirt taidhleoir Éireannacha atá lonnaithe i Ramallah.
‘Le buíochas níor gortaíodh aon duine. Tá sé seo go hiomlán doghlactha agus cáinim é go láidir,’ a dúirt an tUasal Harris.
Tá fearg ar cheannairí Iosrael leis an Aontas Eorpach as athbhreithniú a dhéanamh ar a chomhaontú comhair leis an tír mar gheall ar an gcaoi a gcaitear le Palaistínigh i nGaza.
Dé Máirt, dúirt príomh-thaidhleoir an Aontais Eorpaigh, Kaja Kallas, go raibh an tAontas Eorpach ag gníomhú tar éis do ‘thromlach láidir’ dá 27 ballstát tacú leis an gcinneadh athbhreithniú a dhéanamh ar an trádáil le hIosrael, i gcruinniú d’airí gnóthaí eachtracha ón Aontas Eorpach.
Dúirt taidhleoirí gur iarr 17 stát ón Aontas Eorpach athbhreithniú ag an gcruinniú sa Bhruiséil faoi Airteagal a dó den chomhaontú a iarrann meas ar chearta an duine.
Chuir naoi mballstát ón Aontas Eorpach i gcoinne na tionscnaimh: an Ghearmáin, an Ungáir, an Iodáil, an tSeicia, an Chróit, an Chipir, an Liotuáin, an Ghréig agus an Bhulgáir.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
