Tiocfaidh taraifí ar dhrugaí cógaisíochta in Éirinn isteach go han-luath, a dúirt Donald Trump Dé Luain.
Tá moill curtha ag Uachtarán Mheiriceá ar go leor taraifí don Aontas Eorpach ach dúirt sé go bhfuil sé ag iarraidh ar an tionscal cógaisíochta dul ar ais go Meiriceá.
Agus an uair seo luaigh sé Éire arís. Dúirt sé go dtiocfaidh na taraifí ar dhrugaí cógaisíochta sa ‘todhchaí nach bhfuil i bhfad i gcéin’.
San Oifig Oval Dé Luain, d’ainmnigh Trump Éire arís, ag rá: ‘Ní dhéanaimid ár ndrugaí féin, ár gcógaisíocht féin – ní dhéanaimid ár ndrugaí féin a thuilleadh.
‘Tá na comhlachtaí drugaí in Éirinn, in áiteanna eile ar nós na Síne. Agus níl le déanamh agam ach taraif a ghearradh… is amhlaidh is mó a bhogann siad anseo.’
Agus dúirt Rúnaí Tráchtála Mheiriceá, Howard Lutnick, go dtiocfaidh taraifí ar dhrugaí cógaisíochta isteach ‘go luath’, ag cur leis go dtabharfar isteach i gceann ‘mhí nó dhó’.
Tá Éire ar cheann de na honnmhaireoirí cógaisíochta is mó ar domhan mar gheall ar roinnt cuideachtaí móra de chuid na Stáit Aontaithe atá anseo.
Ag deireadh 2024, d’ardaigh onnmhairí na hÉireann go dtí na Stáit Aontaithe go €72.6billiún, agus tháinig €44.4 billiún de sin ón earnáil chógaisíochta agus leighis, de réir an ESRI.
Dúirt Lutnick freisin nach mbeadh drugaí cógaisíochta mar chuid den idirbheartaíocht leis an Aontas Eorpach chun taraifí a laghdú ar an dá thaobh.
Dúirt sé nach bhfuil siad ‘ar fáil le hidirbheartaíocht’ ag tíortha eile.
‘Tá siad chun a bheith mar chuid de chinntiú go gcuirfimid na príomh-mhíreanna slándála náisiúnta sa tír seo ar ais,’ a dúirt sé.
‘Ní mór dúinn drugaí cógaisíochta a dhéanamh sa tír seo.’
Níl taraifí ar drugaí cógaisíochta faoi láthair. Roimh thuairimí Trump, dúirt an Taoiseach Micheál Martin Dé Luain go raibh súil aige go mbeidh na hearnálacha déantúsaíochta cógaisíochta mar chuid den idirbheartaíocht idir an AE agus SAM.
Beagnach seachtain tar éis do Trump a rá go mbeadh sé ag cur a chuid taraifí ar sos ar feadh trí mhí, tá an AE ag ullmhú chun comhaontú trádála a chaibidil le Washington.
Tá taraif 10% Trump fós i bhfeidhm ar fud na cruinne.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
