Tá ráiteas gairid déanta ag an bPápa leis na Dílseacha (Faithful) tar éis dó a bheith tinn agus níorbh fhéidir leis a bheith páirteach leo le haghaidh aifreann.
D’eisigh an Vatacáin nuashonrú ar a shláinte tar éis dó fanacht san ospidéal.
Dúirt an ráiteas nár léirigh an Pápa fiabhras ar bith agus go raibh Comaoineach faighte aige.
Tógadh an Pápa go Gemelli Polyclinic na Róimhe maidin Dé hAoine, go gairid tar éis deireadh a chuid cruinnithe maidine.
Dúirt an Pápa Proinsias: ‘Ba mhaith liom a bheith in bhur measc ach, mar is eol daoibh, táim anseo in Ospidéal Gemelli mar tá cóireáil fós ag teastáil uaim do mo bronchitis.
‘Go raibh maith agaibh as an ngean (affection) agus na paidreacha agus as a bheith in éineacht liom sna laethanta seo, agus ba mhaith liom buíochas a ghabháil leis na dochtúirí agus na hoibrithe cúram sláinte san ospidéal seo as a gcúram,’ a dúirt sé.
Chuir an Pápa, atá 88 bliain d’aois, a chuid paidreacha ar ceal Dé Domhnaigh agus d’fhan sé san ospidéal ag fáil cóireála do bhronchitis.
I ráiteas faoi shláinte Pápa Proinsias Dé Domhnaigh, dúirt an Vatacáin gurb é a shláinte ba chúis leis a bheith as láthair ó phaidreacha Dé Domhnaigh.
Dúradh sa ráiteas freisin go bhfanfaidh an Pápa faoi chúram leighis chomh fada agus is gá.
Dúirt an Vatacáin go ndearna a fhoireann leighis an cinneadh seo chun ‘a théarnamh a éascú’.
An lá roimhe sin, rinneadh ‘beagán athrú’ ar chóireáil an Phápa, bunaithe ar thorthaí micribhitheolaíochta breise, a dúirt siad.
Dúirt an ráiteas is déánaí ‘nár léirigh an Pápa fiabhras ar bith inniu agus go raibh Comaoineach faighte aige’.
‘Feicfimid conas a imoibríonn sé le cóireáil. Níl dáta beacht agam chun é a scaoileadh amach,’ a dúirt Matteo Bruni, stiúrthóir oifig preasa na Vatacáine.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
