Bhí leabhair do pháistí chun tosaigh sna cairteacha iasachtaithe ag leabharlanna na hÉireann anuraidh, agus an tsraith Dog Man agus Diary Of A Wimpy Kid ar bharr an liosta.
B’ionann leabhair do leanaí agus déagóirí agus na 37 leabhar ba mhó a raibh éileamh orthu ar na liostaí iasachtaithe sna leabharlanna.
Bhí an t-úrscéal coireachta le Liz Nugent, Strange Sally Diamond, ag uimhir 38. Ba í Liz an duine fásta ba mhó éileamh.
Ba iad Dog man le Dav Pilkey; The Adventures of a Dog Man 2: Unleased; agus Dog Man: A Tale of Two Kitties, na leabhair a bhí sa chéad, sa dara agus sa tríú háit.
Thug léitheoirí ar iasacht na leabhair sin 17,395 uair.
Agus is iad Diary Of A Wimpy Kid: No Brainer le Jeff Kinney, Dog Man And Cat Kid agus Dog Man: Brawl Of The Wild, na trí cinn eile de na sé leabhar is mó tóir ar an liosta.
Bhí ceithre leabhar sa tsraith Bunny Vs Monkey le Jamie Smart ar an liosta de na 10 leabhar is mó tóir.
Ba í JK Rowling an t-údar baineann ba mhó a raibh ráchairt uirthi ar an liosta, le Harry Potter And The Philosopher’s Stone, a bhí sa 15ú háit.
Ba í Marita Conlon-McKenna an chéad údar Éireannach ar an liosta. Bhí sí ag uimhir 22 lena leabhar mórdhíola do pháistí, Under The Hawthorn Tree, socraithe le linn an Ghorta Mhóir.
Tiomsaíodh an liosta don na leabhair tríd úsáid a bhaint as sonraí ó 330 leabharlann phoiblí na hÉireann agus d’fhoilsigh an Ghníomhaireacht Bainistíochta Rialtais Áitiúil (Local Government Management Agency, LGMA) é roimh Lá Léann Éire ar an 22 Feabhra.
Tá an feachtas náisiúnta, atá á stiúradh ag Leabharlanna Éireann, deartha chun daoine a spreagadh le leabhair a léamh i rith mhí Feabhra.
Dúirt Stuart Hamilton, ceannasaí forbartha na leabharlann leis an LGMA: ‘Tá ceannasaíocht ag teidil leanaí ar na leabhair is mó a fhaigheann iasachtaí i leabharlanna na hÉireann, rud a léiríonn go maith na hiarrachtaí atá á ndéanamh chun léitheoireacht a fheabhsú i measc leanaí agus déagóirí.
‘Is teist iontach é an liosta iomlán ar bhlasanna agus spéiseanna éagsúla na léitheoirí Gaeilge, a gcuirtear siamsaíocht, eolas agus dúshlán rompu trí dhul i ngleic lena leabharlann áitiúil.
‘Déanann Ireland Reads ceiliúradh ar an léitheoireacht mar ghníomhaíocht thar a bheith taitneamhach le bheith againn inár saol.
‘Is féidir tacú leis seo trí nós a chruthú, i measc daoine fásta agus leanaí, cuairt a thabhairt ar ár leabharlanna poiblí.’
Tá tóir fós ar údair chlasaiceacha le Roald Dahl ag uimhir 11; Enid Blyton ag uimhir 14 agus an Dr Seuss ag 28.
Tá tuilleadh eolais ar fáil ar: www.irelandreads.ie.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
