Údarás na Gaeltachta: Dhíol comhlachtaí dá chuid €1 billiún in earraí agus seirbhísí anuraidh

Tá Údarás na Gaeltachta ag tuairisciú gur tháinig méadú €20 milliún ar dhíolacháin a chomhlachtaí agus gur chruthaigh siad 869 post nua i gceantair Ghaeltachta i 2024

Dhíol comhlachtaí de chuid Údarás na Gaeltachta earraí agus seirbhísí ar luach níos mó ná €1 billiún i 2024, de réir tuarascála a foilsíodh Dé Máirt.

I measc na ndíolachán tá €658 milliún a díoladh thar lear – agus sin méadú de bhreis is €20 milliún ó 2023, de réir tuairisc ar shuíomh gréasáin RTÉ.

Dúirt an tÚdarás gur cruthaíodh 869 post nua i gceantair Ghaeltachta anuraidh, rud a fhágann go bhfuil beagnach 10,000 ar an líon daoine atá fostaithe i gcomhlachtaí a fhaigheann tacaíocht ón Údarás.

I 2024 rinneadh infheistíocht shuntasach freisin in ionaid chuairteoirí agus in áiseanna cultúrtha ar nós €2.41 milliún ceadaithe d’ionad cuairteoirí Árainn.

Tá fadhbanna ag cuideachtaí a fhaigheann tacaíocht ó Údarás na Gaeltachta nach bhfuil ag go leor comhlachtaí eile toisc go bhfuil siad i gceantair nach bhfuil infreastruchtúr láidir acu.

Bhí tionchar ag na stoirmeacha le déanaí ar go leor freisin, agus tá sé seo luaite cheana féin ag Príomhfheidhmeannach an Údaráis.

Dé hAoine seo caite, in agallamh le tuairisc.ie, dúirt Tomás Ó Síocháin, Príomhfheidhmeannach, gur léir go raibh tionchar níos mó ag Stoirm Éowyn ar na ceantair Ghaeltachta agus gur buille trom don cheantar agus don phobal a bhí inti. 

Léigh an t-alt ANSEO

Agus tar éis don tuarascáil nua a bheith foilsithe ar an Máirt, dúirt sé: ‘Tá a fhios agam go maith go gcuirfimid an ráiteas seo i láthair go luath i ndiaidh scrios Stoirm Éowyn, a bhfuil a tionchair fós le mothú i go leor réimsí ar fud na tíre.

‘Léiríonn sé seo an gá atá le seasmhacht seirbhísí sna réigiúin Ghaeltachta, chomh maith le hinfheistíocht agus slándáil don bhonneagar chun a chinntiú go gcosnaítear gnólachtaí agus gur féidir leo leanúint ar aghaidh le gnó a dhéanamh nuair a bhíonn drochaimsir ar siúl,’ a dúirt sé.

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil