Tá teaghlaigh Úcránach, le leanaí i scoileanna áitiúla, á n-aistriú amach as a gcuid lóistín – agus bogfar cuid acu amach as an gceantar.
D’admhaigh an Roinn Lánpháirtíochta go bhfuil na teaghlaigh á n-aistriú, ‘gan mórán fógra’, tar éis iniúchadh (inspected) a dhéanamh ar an bhfoirgneamh le haghaidh sábháilteachta dóiteáin (fire safety).
Tá cáineadh láidir ó TD Fhianna Fáil John McGuinness mar thoradh ar an gcaoi ar chaith an Roinn leis an 150 fear, bean agus páiste Úcránach seo.
Dúirt sé go bhfuil sé ‘gránna (abhorrent)’ agus ‘nach gcaithfeá ainmhithe’ ar an mbealach sin.
Tuigtear go bhfuair na teaghlaigh, agus na scoileanna ar a bhfreastalaíonn a bpáistí go háitiúil, fógra Déardaoin seo caite go gcaithfidh siad an áis a fhágáil, rud a thugann 19 lá dóibh agus don Roinn lóistín eile a aimsiú.
Tá an foirgneamh ina raibh cónaí ar na teaghlaigh, ar a dtugtaí Toughers Restaurant, 9km ó bhaile Cheatharlach (Carlow), le dúnadh ar 1 Eanáir ar a dhéanaí.
Bhí an áit athchóirithe (converted) chun freastal ar na teaghlaigh agus iarratasóirí cosanta idirnáisiúnta eile ón Úcráin in 2022 nuair a chuir an Rúis tús lena n-ionradh ar a dtír.
Mar sin féin, tá deireadh curtha ag an Roinn lena conradh leis an soláthraí cóiríochta.
Dúirt urlabhraí de chuid na Roinne go rinne chomhlacht neamhspleách iniúchtaí suíomh ar an áit.
Dúirt an t-urlabhraí ‘go bhfuarthas amach nach raibh cáilíocht na cóiríochta a bhí á cur ar fáil ar an gcaighdeán riachtanach a theastaíonn ón Roinn’.
Dúirt sé: ‘Rinneamar an cinneadh na daoine atá ina gcónaí ann a bhaint ar mhaithe lena sábháilteacht.
‘Cé gur ábhar trua é nach mór iad a aistriú gan mórán fógra, ní féidir é seo a sheachaint i bhfianaise na n-imní a ardaíodh.’
Dúirt an Roinn cé go dtabharfar cóiríocht áitiúil do na teaghlaigh ‘nuair is féidir’, go gcaithfear úsáid a bhaint as áitribh eile ar fud na tíre. Dúirt sé freisin gur oth leis ‘an cur isteach a chuirfeadh sé seo ar na daoine atá i gceist’.
Ag labhairt dó faoi na teaghlaigh, dúirt an tUasal McGuinness: ‘Ní hamháin gur tháinig an scéal seo chun cinn le cúpla lá anuas.
‘Níor cheart go mbeadh drochmheas ag teaghlaigh ar an gcéad dul síos ach go háirithe ag an am seo den bhliain – tá sé thar a bheith uafásach.
‘Ní dhearnadh dul i gcomhairle le haon ionadaithe polaitíochta faoin mbeart seo, rud a léiríonn nádúr mífheidhmiúil na Roinne.
‘Ní raibh an tAire [Roderic O’Gorman] ná a chuid oifigeach i dteagmháil linn ar chor ar bith,’ a dúirt sé.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
