Tar éis don líon is airde riamh de dhaoine leochaileacha cúnamh a lorg ó Merchants Quay Ireland (MQI), tá achainí(appeal) práinneach le haghaidh airgid geimhridh seolta ag an gcarthanas.
Go dtí seo i mbliana, tá tacaíocht tugtha acu do 6,900 cliant trína sheirbhís laethúil oscailte i Riverbank, Baile Átha Cliath. Is é sin méadú 29% ar an tréimhse chéanna anuraidh.
Tá méadú 11% tagtha ar líon na ndaoine atá os cionn 60 bliain d’aois ag an gcarthanas freisin, cuid acu atá ag fulaingt gan dídean den chéad uair.
Mar chuid dá achainí ‘Cup of Kindness’, tá fógra scáileáin nua seolta ag MQI atá le feiceáil ar YouTube.
Leagann sé béim ar an eagla, an t-uaigneas agus an stiogma a bhíonn ag daoine gan dídean nó a bhfuil andúil (addiction) orthu go minic.
Tá ‘Darragh’, atá sna 60dí, gan dídean den chéad uair i mbliana.
Chaill sé a phost le linn na paindéime, agus mar sin bhog sé ar ais go teach an teaghlaigh, chun aire a thabhairt dá mháthair scothaosta.
Tar éis bhás a mháthar, áfach, ní raibh áit ar bith le cónaí ag Darragh. Cosúil le go leor daoine in Éirinn, níor shamhlaigh sé riamh go mbeadh sé sa phost seo.
Dúirt Darragh: ‘Nuair a bhí mé ar na sráideanna, goideadh mo sparán (wallet).
‘Bhí an chuid dheireanach de m’airgead agus m’aitheantas ann, ach níos tábhachtaí fós, bhí an t-aon ghrianghraf a bhí fágtha agam de mo mháthair ann. Sin an rud ba bheag nár bhris mé.
‘Shábháil MQI mé. B’éigean dom labhairt, agus d’éist siad. Thug siad comhairle mhaith dom agus chuir siad ar an mbóthar ceart mé. Rinne an tseirbhís difríocht mhór domsa.
‘Bhí áit éigin ann chun suí síos, áit éigin le cupán tae agus comhrá a bheith agam. Bheinn caillte gan é.’
Deir Eddie Mullins, Príomhfheidhmeannach ag Merchants Quay Ireland: ‘Táimid ag druidim leis an Nollaig go tapa, tráth le caitheamh le teaghlach agus le cairde.
‘Mar sin féin, do dhaoine atá gan dídean nó a bhfuil andúil acu, is é seo an t-am den bhliain is uaigneach.
‘Go deimhin, an t-am is measa, freisin, mar go gcothaíonn sé mothúcháin dhorcha aonraithe agus gan dóchas.
‘Samhlaigh go bhfeicfidh tú cóisir agus féilte na Nollag ar siúl, agus nach bhfuil áit ar bith agat duit féin.
‘Sin an áit a dtagann MQI isteach. Tá ár bhfoireann ann chun cúram leighis, comhairle chairdiúil, béilí te, nó muintearas agus beagán dóchais don todhchaí a thairiscint.’
• Tá MQI ag achainí ar an bpobal machnamh a dhéanamh cabhrú le ‘Cup of Kindness’ trí www.MQI.ie/Kindness ionas gur féidir leo leanúint de bheith ann chun dóchas a thabhairt dóibh siúd is mó a bhfuil gá acu leis an ngeimhreadh seo.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
