Tá plean á thabhairt amach ag Fine Gael chun vótálaithe frith-inimirce a mhealladh le linn an fheachtais toghcháin.
Áiteoidh an páirtí go n-aontaíonn aon chomhpháirtithe i rialtas nua le táille €238 sa tseachtain a ghearradh ar iarrthóirí tearmainn (asylum seekers) as lóistín.
Deir siad freisin go dtosóidh siad láithreach ag eitilt inimircigh mhídhleathacha as an tír.
Tá na beartais nua mar chuid de pholasaí láidre inimirce atá beartaithe ag an bpáirtí a sheoladh le linn an fheachtais toghcháin, dar leis an Irish Mail on Sunday.
Dúirt daoine sinsearacha ón bpáirtí go bhfeiceann siad go bhfuil ‘polasaí Rwanda d’Éirinn’ tábhachtach chun an líon is mó suíochán a bhuachan ar an 29 Samhain.
Beartas díbeartha de chuid an Pháirtí Thoraí sa Bhreatain, a chaill an toghchán deireanach ansin, a bhí i ‘polasaí Rwanda’.
Síneoidh an tAire Dlí agus Cirt Helen McEntee conradh d’eitleán nua díbeartha Stáit an tseachtain seo.
Dúirt Nick Henderson, Príomhfheidhmeannach Comhairle Dídeanaithe na hÉireann (Irish Refugee Council), áfach, go bhfuil daoine atá sa phróiseas tearmainn ag maireachtáil i mbochtaineacht cheana féin agus nach bhfaigheann siad fiú an íocaíocht sochar linbh (child benefit) a fhaigheann gach tuismitheoir eile.
Dúirt sé freisin gur fhan an Liúntas Costas Laethúil (Daily Expenses Allowance) mar a chéile ó 2018 i leith.
‘Má tá cead oibre ag duine éigin, agus tá go leor nach bhfuil, is féidir le fostaíocht a bheith ina bhealach tábhachtach le tacú leo féin agus lena dteaghlach,’ a dúirt sé.
Tagann an líne láidir in aghaidh iarrthóirí tearmainn i ndiaidh an mhéadaithe ar agóidí agus ar fhoréigean i bhfad ar dheis agus in aghaidh inimirce anseo.
Ina measc bhí círéibeacha in aghaidh inimircigh i mBaile Átha Cliath, ionsaithe dóiteáin ar fhoirgnimh atá beartaithe d’iarrthóirí tearmainn agus ionsaithe ar pholaiteoirí ag canbhasáil vótaí.
Léiríonn an polasaí freisin filleadh ar bheartais níos coimeádaí ag Fine Gael, a measadh a bheith níos liobrálaí agus níos fulangaí (tolerant) do mhionlaigh faoi Leo Varadkar.
Tagann sé ag am ina bhfuil geilleagar na hÉireann ag brath níos mó ar níos mó inimirceach i gceantair ina bhfuil gá le dochtúirí, altraí agus oibrithe tógála.
Go híorónta, tá gá le níos mó oibrithe tógála mar gheall ar an nganntanas tithe, rud a fheictear mar cheann de na cúiseanna leis an líon beag ach ionsaitheach de lucht tacaíochta frith-inimirce in Éirinn.
Tá sonraí vótaíochta Fhianna Fáil léirithe ag an Mail on Sunday freisin a léiríonn gurb iad na ceithre shaincheist is mó a mbeidh tionchar acu ar vótáil: costas maireachtála, tithíocht, sláinte agus ceartas.
Deirtear sa doiciméad: ‘Tabharfaidh Fine Gael isteach córas nua chun táille a ghearradh ar iarrthóirí tearmainn as lóistín má aththoghadh don rialtas iad.
‘Geallann an páirtí, ina fhorógra (manifesto), an córas a thabhairt isteach chun táillí a ghearradh ar úsáid lóistín, idirlín agus seirbhísí eile.
‘Is cuid lárnach é seo de fhorógra Fhine Gael, ina leagtar amach sraith moltaí maidir leis an imirce.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
