Tá sé ráite ag ceannaire an Chomhaontais Ghlais, Roderic O’Gorman, gur bhagair fear é a mharú agus é ag ól caife lena fhear céile i bPáirc an Fhionnuisce (Phoenix Park).
Dúirt an tAire Leanaí gur minic a dtugtar ‘pedophile’ nó ‘groomer’ air, ar líne.
Tá na teagmhais sin go hiomlán ar leithligh ó chás cúirte inar phléadáil fear ciontach, trína aturnae, as ionsaí a dhéanamh ar an Uasal O’Gorman.
Tharla sé sin nuair a bhí an tAire ar chanbhás toghcháin Dé Sathairn.
Ní raibh baint ar an cás sin le na maslaí a bhí an tAire ag caint faoi.
Ag caint dó ar na maslaí a fuair sé ó dhaoine eile, dúirt O’Gorman go raibh sé cuí agus is cóir dó aghaidh a thabhairt ar ghrinnscrúdú, cháineadh agus cuntasacht mar ionadaí tofa.
Cé nach ndearna sé tagairt don eachtra Dé Sathairn, áfach, d’ardaigh sé imní faoi na maslaí a bhí á chaitheamh ar pholaiteoirí a bheith ‘normálta’.
Nuair a fiafraíodh dár chreid sé go bhfuair sé go leor maslaí, ó thús a thréimhse sa Rialtas, mar gheall ar an homafóibe, dúirt an tUasal O’Gorman: ‘Sea, a bheith macánta – is cuid shuntasach é.
‘Go minic nuair a théann duine i ngleic liom ar an tsráid, má leanann an comhrá ar aghaidh, is minic a éiríonn sé mí-úsáideach agus homafóbach go tapa.’
Dúirt O’Gorman: ‘Má chuirim post ar rud ar bith ar líne, laistigh den chéad chúig nóiméad feicfidh tú “paedo” agus “groomer” agus tagann rudaí den chineál seo ar fad aníos.
‘Fiú trí seachtaine ó shin ar an Domhnach, bhí mé féin agus Ray [fear céile O’Gorman] amuigh ag fáil caife i bPáirc an Fhionnuisce agus bhí lánúin níos sine – b’fhéidir go luath sna 60í – ann, agus thosaigh an fear ag béicíl, “You effing paedo, I’d effing kill you if you weren’t in public”.
‘Tá cuid de normalú déanta agam air seo beagán, mar go dtarlaíonn sé chomh minic sin – is é an rud a chaithfidh mé a dhéanamh chun leanúint ar aghaidh leis an saol.’
Dúirt an tUasal O’Gorman go raibh níos lú rochtana ag an bpobal ar pholaiteoirí i dtíortha eile.
Dúirt sé go raibh ‘fianaise an-dáiríre’ ann go ndearnadh ‘ionsaí’ ar pholaiteoirí in Éirinn le linn na dtoghchán áitiúil níos luaithe i mbliana.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
