Níl rochtain ag na Gardaí ar ach luchtaire tapa amháin do charranna leictreacha, cé go gcaitear níos mó ná €10.5 milliún ar 206 feithicil leictreacha nua.
Is luchtairí malla iad na 158 pointe luchtaithe eile i stáisiúin na nGardaí ar fud na tíre.
Tógann siad thart ar ocht n-uaire an chloig chun carr leictreach 60kWh a luchtú ó fholamh go dtí lán.
Dúirt bleachtaire sinsearach as Baile Átha Cliath go bhfuil an scéal seo ‘farcical’, de réir tuairisce san Irish Mail on Sunday.
Dúirt an Bleachtaire-Garda Mark Ferris gur ina Rannán K féin, is é sin Baile Bhlainséir (Blanchardstown), Fionnghlas (Finglas) agus an Chabrach (Cabra), go raibh roinnt carranna leictreacha nach raibh ar fáil le linn shift oíche ghnóthach.
Ba é ba chúis leis sin ná go raibh scuaine uair an chloig ann chun gluaisteáin a luchtú ag ionad siopadóireachta Bhaile Bhlainséir.
Dúirt urlabhraí de chuid na nGardaí go dteastaíonn ‘móroibreacha uasghrádaithe leictreachais’ agus go bhfuil Oifig na nOibreacha Poiblí (OPW) ‘i dteagmháil le líonraí leictreacha faoi láthair chun riachtanais an fhórsa a éascú’.
Dheimhnigh sé, amhail an 25 Deireadh Fómhair, ‘go bhfuil 159 pointe luchtaithe do charranna leictreacha ag an nGarda Síochána thar 125 ionad agus go bhfuil os cionn 130 láthair eile atá aitheanta le haghaidh suiteáil luchtaire EV agus atá ag céimeanna éagsúla dá gcríochnaithe.
‘Is luchtaire tapa DC é luchtaire amháin ag 25kW, agus is gnáth- luchtaire AC iad an chuid eile, 7-11kW de ghnáth.’
Chaith siad breis agus €10.5 milliún ar 206 feithicil nua leictreach. I measc na bhfaighteoirí bhí Oifig an Choimisinéara agus an coláiste sa Teampall Mór.
Eisíodh níos mó ná 40 carr i gCathair Bhaile Átha Cliath, 20 i gCill Mhantáin, 18 i Maigh Eo, Ros Comáin agus Longfort, agus 18 sa Mhí agus san Iarmhí.
Tá an caiteachas €10.5 milliún ar ghluaisteáin leictreacha do na gardaí beagnach faoi thrí ar an méid a caitheadh ar threalamh nua don Aonad Ord Poiblí (Public Order Unit) ó thús na bliana seo caite.
Dúirt Bleachtaire Ferris, atá ina thoscaire ar an DMR West ar choiste lárnach Chumann Ionadaíochta an Gharda Síochána (Garda Representative Association), nach bhfuil siad i gcoinne an aistrithe go gluaisteáin leictreacha.
Dúirt sé gurb í an fhadhb an ‘teip ar an gcabhlach reatha a leathnú’ ag an ráta a theastaíonn chun freastal ar riachtanais na póilíneachta.
Cibé an feithiclí leictreacha, díosail nó peitril iad, dúirt sé go bhfuil sé ríthábhachtach go mbeidh siad in ann freagairt láithreach nuair is gá.
Dúirt an garda sinsearach, ina rannán féin, nach bhfuil ach pointe mall luchtaithe amháin ina bhfuil dhá shoicéad (socket).
Dúirt sé gur cheart do Choimisinéir an Gharda Síochána Drew Harris a chinntiú go mbeadh an trealamh atá de dhíth ar ghardaí.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
