Chuir bás tragóideach Liam Payne, agus na cúinsí a bhain leis, béim arís ar na fadhbanna a bhaineann le meabhairshláinte do dhaoine cáiliúla – agus go deimhin don tsochaí i gcoitinne.
Fuarthas an t-amhránaí, a bhí 31 bliain d’aois, marbh lasmuigh d’óstán CasaSur Palermo Dé Céadaoin ag (5pm am na hAirgintíne.
Thit an t-iar-amhránaí as One Direction óna bhalcóin ar an tríú hurlár.
Bhain Liam clú agus cáil amach, 16 bliana d’aois, tar éis dó bheith ina bhall de One Direction ar The X Factor in éineacht le Niall Horan ón Muileann gCearr(Mullingar) i gContae na hIarmhí (Westmeath) le Zayn Malik, Louis Tomlinson agus Harry Styles.
Dúirt na póilíní gur glaodh orthu chuig an óstán i gcomharsanacht shaibhir Palermo na príomhchathrach toisc go raibh imní ar an bhfoireann faoi leas aoi.
Dúirt bainisteoir an óstáin gur chuala sé torann ard ag cúl an óstáin, agus nuair a tháinig na póilíní fuair siad amach gur thit Liam thar an mbalcóin ina sheomra.
Mar sin féin, bhí glao faighte cheana féin ag na póilíní ó oibrí san óstán ag iarraidh cabhair phráinneach le haoi ar meisce, de réir tuairiscí.
‘Nuair a bhíonn a fhios aige (conscious) tá an seomra ar fad á scrios aige agus teastaíonn uainn go seolfá duine éigin,’ a dúirt an t-oibrí.
Dúirt siad go raibh saol an aoi i mbaol mar go raibh balcóin ina seomra.
Ba lúthchleasaí agus ceoltóir cumasach é Liam ó aois an-óg ach bhí deacrachtaí aige le cúrsaí meabhairshláinte ar feadh a shaoil.
Go tragóideach, díreach cúpla uair an chloig sula ndeachaigh rudaí amú tráthnóna Dé Céadaoin, bhí físeán á phostáil aige ar na meáin shóisialta de chomhrá suaimhneach lena chailín.
Agus anois tá sé ráite ag iar-bhall de Boyzone Mikey Graham go gcaithfear níos mó a dhéanamh chun cabhrú leo siúd a bhfuil fadhbanna meabhairshláinte acu.
Bhí Liam ag roinnt eolais ar na meáin shóisialta i bhfad roimh a bhás tragóideach ag óstán san Airgintín.
Bhí sé i Buenos Aires tar éis dó freastal ar gig de chuid Horan in éineacht lena chailín Kate Cassidy.
Cé go raibh ardáin Liam ar Instagram, TikTok agus X ciúin le seachtainí beaga anuas, bhí an réalta ag postáil ar Snapchat cúpla uair roimh a bhás, ag taispeáint spléachadh taobh istigh de ‘lá álainn.’
Scriosadh na postálacha ó shin.
‘Maidin mhaith daoibh go léir,’ a dúirt sé ar an aip, sular chas sé an ceamara leis an mbord ina raibh a chailín Kate ina suí.
‘Seo físeán beag uaim,’ ar seisean.
‘Tá sé drochbhéasach do hata a chur ar an mbord’ a dúirt sé sular rug sé ar an hata den bhord, agus ghabh Kate leithscéal sa chúlra.
‘Children!,’ a dúirt Liam isteach sa cheamara sular casadh air leis an radharc amuigh a thaispeáint, ‘Lá álainn anseo san Airgintín.’
Dúirt sé: ‘Seo é an bord bricfeasta. Tá caife agus bricfeasta aici, cé go bhfuil sé timpeall ar 1pm.
‘Go litriúil, codlaíonn gach lá go dtí 12 ar a laghad,’ a dúirt Kate, ‘Is sórt “losers” muid.’
Ní hea,’ arsa Liam.
Labhair an réalta freisin faoi ‘dul ag marcaíocht ar chapall’ agus dúirt sé: ‘Sílim go bhfuil mé chun póló a imirt arís, rud a chuirfidh as an ghníomhaíocht mé ar feadh sé seachtaine.’
Agus é ag freagairt do ‘nuacht thragóideach’ bás Liam, dúirt Mikey Graham: ‘Sílim gur beart ciallmhar a bheadh ann do chomhlachtaí ceirníní síceolaithe a bheith ag obair dóibh as seo amach ina chuimhne mar dhualgas cúraim do leochaileacht a gcuid tallann óg.
‘Is féidir le “celebrity” a bheith an-dochar go háirithe i saol an lae inniu. A lán airgid. Aon duine chun cabhrú leat? Go leor daoine, sea. Aon duine macánta?’
Rugadh é i Wolverhampton, Sasana, do Geoff agus Karen Payne.
Bhí beirt deirfiúir níos sine ag Liam, Nicola agus Ruth, agus rugadh Liam trí seachtaine go luath, agus bhí go leor fadhbanna sláinte aige dá bharr sin.
Ó bhí sé sé bliana d’aois léirigh Liam comharthaí de thallann cheoil ach bhí sé ag iarraidh a bheith ina reathaí Oilimpeacha.
Bhí sé ina bhall de Chlub Lúthchleasaíochta Wolverhampton agus Bilston.
Tháinig deireadh lena bhrionglóid reatha ag 14 bliana d’aois nuair nach bhfuair sé áit ar fhoireann scoileanna Shasana.
Ag an bpointe sin, chinn sé díriú go hiomlán ar a chuid amhránaíochta, cé go raibh sé i gcónaí mar chuid de lucht leanúnacht chlub peile, West Bromwich Albion.
Thosaigh Liam ar shlí bheatha aonair tar éis do One Direction a fhógairt go raibh siad ag dul i dtreonna difriúla io 2015.
Bhí mac ag Liam darbh ainm Bear, atá seacht mbliana d’aois, ón gcaidreamh a bhí aige roimhe seo leis an amhránaí Cheryl, a bhí ina bhreitheamh ar X Factor.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
