Creidtear gurb iad Manchester City an fhoireann nach féidir a chailleadh – ach amháin má chailleann siad cás dlí maidir le maoiniú a d’fhéadfadh fiú iad a chur amach as an bPremier League.
Tá an cás á reáchtáil ag láthair rúnda agus tá sé ar cheann de na cásanna dlí is suntasaí i stair na peile.
Tá an chuid is mó dá bhfuil ag tarlú á choinneáil faoi rún.
Bhí ar an Daily Mail cás cúirte a bhuachan le go gceadófaí dó a thuairisciú go raibh cás dlí tógtha ag an Premier League chun iallach a chur ar City fianaise a thabhairt dóibh, mar chuid dá bhfiosrúchán.
Bhíothas ag súil go mairfeadh an cás ar feadh 10 seachtaine agus séanfaidh an club go dian cúisimh gur sheachain siad rialacha airgeadais maidir le cothroime.
Tá sé curtha ina leith ag City go raibh níos mó airgid á chaitheamh acu ná mar a bhí siad i dteideal a chaitheamh ar imreoirí a chabhraigh leo bheith ar an bhfoireann cheannasach sa Premier League.
Maítear gur chuir úinéirí Abu Dhabi airgead isteach sa chlub, cuid de faoi cheilt mar airgead urraíochta, chun níos mó airgid a thabhairt don chlub le caitheamh.
Cheannaigh Sheikh Mansour bin Zayed Al Nahyan, leas-phríomh-aire ar Aontas na nÉimíríochtaí Arabacha (United Arab Emirate) agus ball de theaghlach ríoga Abu Dhabi, Manchester City i 2008.
Is é Abu Dhabi príomhchathair Aontas na nÉimíríochtaí Arabacha
Tá 115 éileamh ina gcoinne. Áirítear leo:
54 éileamh maidir le faisnéis chruinn airgeadais a sholáthar thar naoi mbliana, ó 2009-10 go 2017-18. Is dócha go mbeidh sé seo ag fiosrú ar ardaigh an club go mícheart a dtuilleamh urraíochta (sponsorship earnings);
14 éileamh maidir le sonraí cruinne a sholáthar maidir le híocaíochtaí imreoirí agus bainisteoirí ó 2009-10 go 2017-18. Is dócha go mbeidh imní air cibé an raibh Roberto Mancini á íoc dhá oiread na suime a thaifead City, chomh maith le cibé an bhfuair Yaya Touré íocaíochtaí sa bhreis ó Abu Dhabi.
5 éileamh maidir le rialacha UEFA a chomhlíonadh lena n-áirítear Financial Fair Play (FFP) idir 2013-14 agus 2017-18.
7 éileamh maidir le Profit and Sustainability Rules (PSR) an Premier League a shárú ó 2015-16 go 2017-18.
35 éileamh maidir le comhoibriú le himscrúduithe Premier League ó mhí na Nollag 2018 agus Feabhra 2023. D’fhéadfadh gurb iad seo na héilimh is dóichí a thaispeánfar a bheith fíor.
Má fhaightear City ciontach d’fhéadfadh smachtbhannaí a bheith ann ó phointí a bhaint uathu go dtí díbirt as an bPremier League.
Agus bheadh an chuma ar an scéal go mbeadh sé dosheachanta go ndéanfaí na cúisimh is tromchúisí a chruthú. Baineann sé sin le faisnéis chruinn airgeadais a sholáthar.
Tar éis an tsaoil, chaill Everton ocht bpointe as gan ach caillteanas airgeadais incheadaithe a shárú.
Tá seans ann freisin go mbeidh cásanna forleathan ann ó chlubanna eile a chaill amach ar theideal nó ar áit Eorpach. D’fhéadfaidís cúiteamh a éileamh as a gcaillteanas.
Go teoiriciúil, má fhaightear iad ciontach, d’fhéadfadh aon chlub sa Premier League, le linn na naoi séasúr atá i gceist, a mhaíomh gur íospartaigh iad.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
