Seachtainí sula dúirt Taylor Swift go vótálfadhsí do Kamala Harris ar Instagram, bhí na Swifties gníomhach. Bhí pleananna tosaithe cheana féin chun na milliúin de lucht leanúna Swift a iompú ina vótálaithe ar son Harris.
Go luath i ndiaidh do Harris a rá go mbeadh sí ag seasamh sa toghchán, thosaigh Irene Kim, atá 29 bliain d’aois, ag feachtasaíocht ar a son, de réir tuairisc ag an BBC.
Uaireanta caitheann sí 14 uair sa lá ag caint le comhghleacaithe Swifties ar líne, agus d’fhreastail sí ar níos mó ná cúig cinn de cheolchoirmeacha chamchuairt Eras le Taylor Swift.
In éineacht le lucht leanúna eile a thacaíonn le Harris, chruthaigh siad cuntais meán sóisialta, memes, montages, agus nuachtlitreacha, go léir chun cabhrú leis an iarrthóir is fearr leo an toghchán a bhuachan.
Tá Kim anois ina stiúrthóir feidhmiúcháin ar an bhfeachtas ‘Swifties for Kamala’.
Dúirt sí leis an BBC go bhfuil méadú mór tagtha ar chlárú vótálaithe agus ‘ardú mór ar na meáin shóisialta’ mar gheall ar thacaíocht Swift do Harris.
Tá 3,500 oibrí deonach ag feachtas Swifties for Kamala, iad ar fad ag obair ar na meáin shóisialta.
Chomh maith leis sin tá os cionn $165,000 (€150,000) bailithe don fheachtas ó 1 Lúnasa i leith.
Tá na meáin shóisialta níos tábhachtaí ná riamh sa toghchán seo.
Úsáideann Harris agus Trump araon memes agus físeáin ó lucht tacaíochta chun a dteachtaireacht a chur in iúl.
Is cosúil go bhfuil siad níos barántúla (authentic) ná fógraí a gcaithfear íoc astu agus iad ag labhairt le vótálaithe níos óige, nach bhfuil mórán suime acu sa pholaitíocht go ginearálta.
Tá Trump an-ghníomhach agus an-éifeachtach ar líne cheana féin agus mar sin tabharfaidh na Swifties for Harris dúshlán dó ansin.
Is lucht leanúna iad lucht tacaíochta Trump a bhrúnn amach memes agus pictiúir iomadúla don iar-uachtarán. Tá tacaíocht á fháil aige ó úinéir X Elon Musk agus tá a chuid téacsanna le feiceáil i gcónaí ar an ardán meáin shóisialta ar leis é.
Ach tá go leor d’iarrachtaí tacaíochta Trump ar líne ionsaitheach agus is cuma leo faoin bhfírinne – agus ba chúis leis sin d’fhadhbanna dó.
Ina post Instagram faoi Kamala Harris, luaigh Taylor Swift íomhánna míthreoracha ag caint go bréagach faoina ‘tacaíocht’ do Trump agus ba chúis é sin di labhairt amach.
‘Thug sé an chonclúid dom go gcaithfidh mé a bheith an-trédhearcach faoi na pleananna atá agam don toghchán seo mar vótálaí,’ a dúirt sí agus thaitin a post níos mó ná 10.7 milliún uair.
Nuair a thagann sé chuig daoine níos óige ar na meáin shóisialta, meastar go bhfuil lucht tacaíochta Taylor Swift chun tosaigh ar gach duine eile.
Dúirt Kim leis an BBC go bhfuil siad ag baint úsáide as na scileanna ar líne atá forbartha acu mar Swifties chun tacú le Harris.
Ina measc sin tá iarrachtaí ticéid a cheannach do chamchuairt Eras nuair a díoladh iad go léir.
Bhí na Swifties for Kamala i dteagmháil le feachtas oifigiúil Harris ach níl siad mar chuid de.
Cabhraíonn feachtas Harris leo oiliúint oibrithe deonacha a eagrú.
Cuidíonn siad leo freisin vótálaithe a chanbhasáil go pearsanta agus ar théacs agus ar an bhfón.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
