Dá ligfí do dhaoine tógáil ina ngairdíní d’fhéadfadh go mbeadh 350,000 teach eile againn, dar le meitheal mhachnaimh (think tank) nua.
Is iad Progress Ireland an meitheal mhachnaimh nua agus tá sé maoinithe ag Patrick agus John Collison, na deartháireacha rathúla atá ina mbilliúinéirí.
Is iad seo na deartháireacha taobh thiar den fhathach íocaíochtaí domhanda, Stripe.
Teastaíonn ón meitheal mhachnaimh go n-athródh an Rialtas na rialacha pleanála chun go bhféadfaí níos mó tógála a dhéanamh i ngairdíní nó ‘granny flats’ a thógáil.
Deir sé go gceadódh ‘athrú beag ar na rialacha’ do dhaoine teach a thógáil ina ngairdíní.
Faoi na rialacha reatha, is féidir le húinéirí le teach oifigí nó ceardlanna a thógáil ina ngairdíní cúil ach ní féidir le húinéirí atá teach acu cónaí iontu.
Dúirt urlabhraí Progress Ireland Seán O’Neill McPartlin le Newstalk: ‘Ar fud na tíre, feicfidh tú struchtúir in airde i ngairdíní. Feicfidh tú oifigí baile, stiúideonna b’fhéidir, “gyms” as úsáid.
‘Mar sin, is é an rud atá á mholadh againn ná, nuair a ligeadh duit na struchtúir seo a thógáil gur cheart go mbeidh cead ag úinéirí tí teach beag a thógáil.’
Tá easnamh 200,000 teach agus ganntanas talún sna ceantair ina bhfuil an t-éileamh is mó ar thithíocht, dar leis an gCoimisiún Tithíochta.
Áitíonn Progress Ireland: ‘Tá srianta ar a dtugann siad seomraí scoite.
‘Mar sin, a luaithe a dhéanann tú an áit chónaithe i do ghairdín cúil, teach le bealach isteach ar leith, deir an plean forbartha, “Níl sé sin ceadaithe”.’
Dóibh siúd a bhí buartha faoi fhorbairtí móra atá á dtógáil i ngairdín cúil a gcomharsan, dúirt siad nach bhfuil aon chúis acu a bheith níos mó ná na struchtúir atá ann cheana féin.
Faoin gcóras pleanála, is féidir leat garáiste, seid nó struchtúr comhchosúil a thógáil chomh fada agus nach bhfuil sé níos mó ná ceithre mhéadar ar airde.
Ní mór dó a bheith níos mó ná 25 méadar cearnach agus a bheith ar chúl nó ar thaobh do theach.
Tá sé i gceist ag Progress Ireland ‘réitigh phraiticiúla’ a fhorbairt a mhéadóidh soláthar tithíochta agus bonneagar an náisiúin.
Tá sé mar aidhm ag an meitheal smaointe taighde domhain a dhéanamh ar shaincheisteanna beartais phoiblí.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
