Cuardaítear málaí roinnt paisinéirí Ryanair ar eagla go mbeadh alcól acu, a dúirt Michael O’Leary.
Dúirt sé freisin go gcuireann siad cosc uaireanta ar bhuidéil uisce a thabhairt ar bord eitleáin Ryanair mar go bhféadfadh vodca a bheith iontu.
Cé go ndíolann Ryanair alcól le paisinéirí dúirt O’Leary go bhfuil sé ag iarraidh ar aerfoirt gan ach dhá dheoch a dhíol agus gan níos mó in aghaidh an phaisinéara.
Mar sin féin, tar éis do phaisinéirí dul ar an eitleán is féidir leo alcól a cheannach ón tralaí bia agus deochanna.
Agus is féidir leo méideanna níos mó alcóil agus tobac a cheannach mar cheannacháin saor ó dhleacht (duty free).
Dúirt sé go bhfuil sé ag iarraidh na srianta mar gheall ar treocht (trend) atá ann, agus ag fás, paisinéirí ag troid lena chéile.
Cuardaítear málaí paisinéirí a bheidh ag taisteal go Ibiza le Ryanair sula dtéann siad ar bord na heitilte.
Mhaígh O’Leary go dtarlaíonn sé seo mar gheall ar ‘táibléad agus púdar’ a bheith ag daoine áirithe chomh maith le halcól.
Dúirt sé: ‘Níor ligeamar ach buidéil uisce a thabhairt ar bord, gan a thuiscint go raibh siad lán le vodca.
‘Anois ní fiú dúinn cead a thabhairt dóibh iad sin a thabhairt ar bord.
‘Sna seanlaethanta thitfeadh daoine a d’ól an iomarca ina gcodladh. Ach anois tá na paisinéirí sin ar phúdar agus táibléad freisin.
‘Is é an meascán sin atá i gceist. Bíonn iompar trodach (aggressive behaviour) ann atá an-deacair a bhainistiú.
‘Agus níl sé dírithe ar an bhfoireann amháin. Tá treocht eile ag dul i méid ar anois, paisinéirí a bhíonn ag troid lena chéile.’
Tá clú ar O’Leary as éilimh chonspóideacha a dhéanamh, agus baineann an chuid is mó díobh le cuidiú le Ryanair níos mó airgid a dhéanamh.
Mar shampla, dúirt sé uair amháin go raibh sé i bhfabhar ticéid sheasta (tickets for standing) a dhíol dá eitiltí.
Dúirt sé: ‘Níl sé chomh héasca sin d’aerlínte daoine atá ar meisce ag an ngeata a aithint, go háirithe má tá siad le beirt nó triúr eile.
‘Chomh fada agus is féidir leo seasamh suas agus suaitheadh a dhéanamh rachaidh siad tríd.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
