Tá difríocht de €7,200 in íocaíochtaí morgáiste bliantúla idir na rátaí is airde agus is ísle atá ar fáil.
Léiríonn an Doddl Mortgage Switching Index go bhféadfadh roinnt úinéirí tí oiread agus €602 a shábháil in aghaidh na míosa – 7,200 sa bhliain – trí ráta níos ísle a fháil ar a morgáiste.
Léiríonn an t-innéacs Doddl freisin go mbeidh ar na mílte sealbhóir tí níos mó fós a íoc.
Tá méadú 3.5% ar íocaíochtaí le sárú acu de réir mar a thagann siad as rátaí seasta (fixed rates) le roinnt iasachtóirí neamhbhainc (non-bank lenders) i mbliana.
Cé gur laghdaigh roinnt banc a rátaí faoi 1%, tá níos mó ag dul go hiasachtóirí neamhbhainc toisc go bhfuil samhlacha maoinithe (funding model) éagsúla acu.
D’fhéadfadh rátaí aisíocaíochta os cionn 6% a bheith ar shealbhóirí morgáiste le hiasachtóirí neamhbhainc nuair a fhágann siad a gcuid socruithe seasta.
Tá méadú tagtha ar líon na ndaoine a aistríonn a morgáiste chuig iasachtóir eile mar go bhfuil rátaí úis (interest rates) tar éis titim, le 24% is mó in aghaidh na bliana go dtí deireadh mhí an Mheithimh.
Agus rátaí idir 3.6% agus 6.9%, d’fhéadfadh úinéirí tí oiread agus €602 a shábháil in aghaidh na míosa – 7,200 sa bhliain – tríd an ráta is ísle a fháil.
Tá sé sin bunaithe ar an meánmhorgáiste nua de €309,679 thar 25 bliain a tugadh sa ráithe dheireanach.
Tá an coigilteas (savings) níos airde fós dóibh siúd atá incháilithe do rátaí glasa, arb iad na cinn is ísle ar an margadh ag 3.45%.
Dúirt Martina Hennessy, príomhfheidhmeannach Doddle.ie, gur cheart do na mílte iasachtaithe a bhfuil a gcuid morgáistí leis na hiasachtóirí neamhbhainc siopadóireacht a dhéanamh agus comhairle a fháil nuair a thagann siad go dtí deireadh a dtéarmaí seasta.
‘Tá laghdú suntasach tagtha ar rátaí le déanaí. Mar sin féin, tá éagsúlacht mhór ar fud an mhargaidh,’ a dúirt Hennessy.
Beidh sealbhóirí morgáistí na hÉireann ag súil le cúlú breise ó na bainc má ghearrann an ECB rátaí úis ag a gcruinniú an mhí seo chugainn.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
