Níor chuir éinne isteach ar ocht bpost do mhúinteoirí as gach deichniúr a fógraíodh i mbliana, de réir suirbhé a rinne Red C.
Agus le scoileanna ag tosú ar ais i níos lú ná coicís beidh scoileanna ‘ar éigean in ann déileáil’ le seo, de réir ceardchumann múinteoirí.
Tá scoileanna fós ag iarraidh 186 múinteoir a earcú ag an mbunleibhéal, agus 354 múinteoir ag an dara leibhéal, de réir shuíomh idirlín Educationposts.ie.
Bhí ar go leor scoileanna ábhair a ghearradh óna gcuraclam toisc nach bhfuil na múinteoirí ann.
Fadhb mhór is ea nach gcuirtear poist lánaimseartha ar fáil do go leor múinteoirí.
Dúirt Aaron Wolfe, príomhoide Choláiste Éamann Rís i gCorcaigh: ‘Níl na múinteoirí amuigh ansin agus beidh ranganna ann i mí Mheán Fómhair [gan aon mhúinteoirí].
‘Tá réimsí ábhair áirithe ann nach mbeidh tú in ann aon mhúinteoirí cáilithe a fháil dóibh.’
Dúirt Kieran Christie, rúnaí ginearálta Cumann Meánmhúinteoirí Éire (Association of Secondary Teachers, Ireland, ASTI) go gcaithfidh an tAire Oideachais Norma Foley a thuiscint go bhfuil sé dodhéanta múinteoirí a mhealladh ar ais ó thíortha eile ar ghealltanas post páirtaimseartha.
Dúirt an ASTI: ‘Tá scoileanna faoi bhrú ollmhór agus is cosúil gur ar éigean a bheidh siad in ann déileáil leis nuair a athosclaíonn siad go luath.’
Fuarthas amach i suirbhé a rinne Red C nach bhfuair 82% de scoileanna dara leibhéal aon iarratas nuair a d’fhógair siad poist le linn na scoilbhliana 2023/24.
Léirigh an suirbhé freisin go ndúirt 87% de na scoileanna nach raibh aon mhúinteoirí ionaid (substitute teachers) ar fáil.
Chomh maith leis sin dúirt 77% go raibh orthu múinteoirí neamhcháilithe a fhostú.
Dúirt an ASTI go raibh ar roinnt scoileanna iarraidh ar mhúinteoirí riachtanas speisialta (special needs) ranganna a mhúineadh ina ionad.
Dúirt siad freisin gur bhain beagnach an cúigiú cuid de scoileanna ábhar den churaclam, mar gheall ar easpa múinteoirí do na hábhair sin.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
