Tá Trump ‘náireach go morálta’, de réir a chomhghleacaí JD Vance!

Cháin an t-iarrthóir leas-uachtaránachta JD Vance Trump, atá anois ag caitheamh maslaí pearsanta ar Kamala Harris

Is ‘duine náireachgo morálta’ é Donald Trump, dar leis an bhfear a dteastaíonn uaidh a bheith ina leas-uachtarán leis.

Cháin JD Vance, atá anois ina iarrthóir le bheith ina leas-uachtarán ar Mheiriceá, Donald Trump agus na póilíní, de réir ríomhphoist atá foilsithe le déanaí.

D’fhoilsigh Sofia Nelson, a bhí i Scoil Dlí Yale le Vance, ríomhphoist agus téacsanna a sheol sé sular tháinig sé ina thacadóir do Trump.

Bhí Nelson, atá trasinscneach agus atá ag obair anois mar chosantóir poiblí in Detroit, ina aoi ag bainis Vance.

Mar sin féin, thit siad amach i 2021 nuair a thosaigh Vance ag tacú le coiscthe coimeádach ar chomhionannas inscne in Arkansas.

Scríobh Vance, a tháinig ó chúlra bocht, i ríomhphost amháin: ‘Is fuath liom na póilíní. Ag cur san áireamh líon na heispéiris dhiúltacha a bhí agam, ní féidir liom a shamhlú cad a tharlaíonn le fear gorm.’

Dúirt sé freisin go raibh sé ‘ar buile faoi reitric Trump’ agus dúirt sé: ‘Is mó an imní atá agam faoin bhfáilte a fhaigheann

saoránaigh Mhoslamacha ina dtír féin.

‘Bhí demagogóga ​​i gcónaí sásta leas a bhaint as na daoine a chreideann an raiméis craiceáilte.’

Chomh maith leis sin, rinne Trump ionsaí pearsanta maslach ar a chomhraic (rival) Kamala Harris.

Tá méadú tagtha ar thacaíocht don pháirtí Daonlathach ó tháinig Kamala mar iarrthóir agus d’éirigh Joe Biden as tar éis díospóireacht teilifíse tubaisteach le Trump.

Sular tharraing Biden siar léirigh na pobalbhreitheanna Trump ar aghaidh – ach anois chuir na pobalbhreitheanna Trump, atá 78 bliain d’aois, agus Ms Harris, atá 59 bliain d’aois, laistigh de dhá phointe óna chéile, agus an-dlúth i stáit thábhachtacha mar Missouri agus Arizona.

Ó shin i leith tá Trump tosaithe ag déanamh ionsaithe pearsanta ar Harris.

Thug sé ‘frith-Sheimíteach (anti-Semitic)’ uirthi freisin agus dúirt sé go gcuirfí leanaí nuabheirthe chun báis mar thoradh ar a seasamh ar ghinmhilleadh.

Dúirt sé: ‘Bhí sí mar “bum” trí seachtaine ó shin agus is “bum” í fós.’

Dúirt Trump leis na héisteoirí freisin dá vótálfadh siad dó i mí na Samhna nach mbeadh orthu vótáil arís.

‘Is breá liom sibh, caithfidh sibh dul amach agus vótáil. I gceann ceithre bliana ní bheidh oraibh vótáil arís. Beidh sé socraithe againn chomh maith sin, ní bheidh oraibh vótáil,’ a dúirt sé.

Dúirt urlabhraí Harris: ‘Is féidir le Meiriceá déanamh níos fearr ná na seachmaill searbha, aisteacha (bitter, bizarre delusions) agus cúlbhreathnaitheacha (backward-looking) a dhéanann an coirpeach (criminal) Donald Trump.’

Táthar ag súil go nglacfaidh Harris go foirmiúil le hainmniúchán a páirtí ag an gCoinbhinsiún Náisiúnta Daonlathach (Democratic National Convention) i Chicago an mhí seo chugainn.

Tá sé ráite ag Harris go roghnóidh sí a comhghleacaí faoin 7 Lúnasa.

Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie

Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil