Fear pósta anois is é Thomas Brodie-Sangster, a bhí ina réalta in Game of Thrones agus Love Actually – tar éis dó a chuid gealltanais bainise a ghealladh leis an aisteoir eile Talulah Riley.
Bhuail Brodie-Sangster, atá 34 bliain d’aois anois, agus Riley, atá 38 bliain d’aois, le chéile agus iad ag scannánú sraith Disney+ Danny Boyle Pistol (bunaithe ar an mbanna rac-cheoil, na Sex Pistols) i 2021; agus thug siad lámh is focal dá chéile (got engaged) dhá bhliain ina dhiaidh sin.
Is dócha go bhfuil aithne níos fearr ar Brodie-Sangster as a ról i Game of Thrones agus sa scannán Love Actually.
Bhí róil aige freisin i The Maze Runner agus sa tsraith Netflix, The Queen’s Gambit.
Bhí Riley i ról Annabel Fritton sa scannán 2005 St Trinians chomh agus i Pride and Prejudice, agus Westworld.
Mar sin féin, tá aithne uirthi freisin as a pósadh le húinéir Tesla agus X, Elon Musk, a phós sí faoi dhó.
Tháinig an péire le chéile i gclub oíche i Londain i 2008. Phós siad i 2010 agus mhair an pósadh dhá bhliain, bhí siad colscartha i 2012.
D’éirigh leo fanacht óna chéile ar feadh bliana agus phós siad arís i 2013.
An uair sin mhair a bpósadh trí bliana go dtí 2016, nuair a fuair siad an dara colscaradh.
In ainneoin sin is cosúil go bhfuil Riley agus Musk ar théarmaí maithe, agus rinne Elon comhghairdeas léi as a rannpháirtíocht le Brodie-Sangster nuair a d’fhógair siad a nuacht.
Dúirt sí leis an Independent i 2022: ‘Is cara iontach é. Breathnaíonn sé amach dom.
‘Tá muid in áit shona anois, áit a bhfuilimid go maith dá chéile, rud atá iontach deas. Tá an-ghrá agam dó.’
Phós Brodie-Sangster agus Riley i Hertfordshire i Sasana, Dé Sathairn, timpeallaithe ag baill teaghlaigh agus dlúthchairde.
Bhí searmanas i Séipéal St Geroge, séipéal ón 14ú haois, in Anstey.
In íomhánna a foilsíodh in The Sun, is féidir Brodie-Sangster agus Rileya fheiceáil ag miongháire agus a n-aíonna ag caitheamh confetti orthu.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
