Cuimhníonn an léiritheoir David Holmes ar a chairdeas le Sinéad O’Connor agus í mar amhránaí misniúil agus neamhchinnte freisin – ‘cosúil le gach ealaíontóir den scoth’.
Bhí Sinéad ag obair ar a halbam is déanaí le Holmes sula bhfuair sí bás go tragóideach agus tá sé ag críochnú an tsaothair di anois – agus á réiteach lena sheoladh.
Fuair Sinéad bás i mí Iúil seo caite ina teach i Londain. Anois, tá Holmes tar éis labhairt faoin albam, agus é á bhrandáil ‘monumental’.
Is cuimhin leis freisin a bheith ag obair léi agus d’inis sé do Rolling Stone go raibh an-áthas uirthi as tacaíocht a lucht leanúna.
Le linn dóibh a bheith ag déanamh an albaim, eisíodh an clár faisnéise faoi Sinéad, Nothing Compares.
Agus dúirt Holmes go raibh sí an-bhuíoch as an mbealach a léirigh sé chomh dona agus a caitheadh léi as labhairt amach faoin Eaglais Chaitliceach agus faoi cheisteanna eile.
Dúirt Holmes: ‘Cosúil le haon ealaíontóir iontach, d’fhulaing sí fíor-éiginnteachtaí. Ach thuig sí freisin go raibh fíor-ghrá ag daoine di.
‘Bhí meangadh gáire uirthi mar gheall ar sin, agus chuir sé gliondar uirthi.’
Dúirt sé gur fhulaing sí mar gheall ar an seasamh misniúil a ghlac sí ach dúirt sé: ‘Ba mharthanóir (survivor) agus laoch í. Ní raibh sé sin chun í a choinneáil síos.’
Dúirt sé freisin: ‘Beidh an t-albam suntasach. Tá sé díreach thar cionn.
‘Bhí caidreamh iontach agam le Sinéad. Chaitheamar níos mó ama ar an bhfón, ag caint le chéile, ná mar a chaith muid sa stiúideo.
‘Chuir Sinéad in iúl dom nuair a bheadh sí réidh dúinn a bheith ag obair le chéile agus ansin thiomáin sí suas go dtí mo stiúideo i mBéal Feirste, agus nuair a bhí muid ag taifeadadh, d’éirigh linn an draíocht a bhaint amach. Bhí a bás tragóideach.’
Tugadh le fios níos luaithe i mbliana go bhfuil Sinéad ainmnithe do Halla na Laochra (Hall of Fame) iomráiteach Rock & Roll.
Bhí Sinéad i measc na 15 ceoltóirí a ainmníodh le haghaidh ionduchtaithe ag searmanas na bliana seo, atá le bheith ar siúl an fómhar seo i Cleveland.
Ag labhairt dó ar fhógra Shinéad, dúirt Halla na Laochra Rock & Roll: ‘D’fhág saol agus ealaín an amhránaí agus an ghníomhaí Éireannaigh seo marc doscriosta ar anam an cheoil mhóréilimh.’
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
