D’admhaigh ceannaire Shinn Féin Mary Lou McDonald nár chuir a páirtí dóthain iarrthóirí chun cinn san olltoghchán deireanach – ach dúirt sí nach dtarlódh sé sin arís.
Ag seoladh a fheachtais páirtithe do na toghcháin áitiúla agus Eorpacha a bheidh ar siúl ar an 7 Meitheamh, dúirt McDonald go mbeidh tithíocht agus neodracht mar dhá cheist thábhachtach.
Dúirt sí: ‘Is í an cheist mhór atá os ár gcomhair ar fad ná tithíocht, tithíocht agus tithíocht de réir dealraimh.’
Dúirt sí go bhfuil fadhbanna le plódú (overcrowding), cothabháil (maintenance) ár dtithe agus ár n-árasán údaráis áitiúil agus faoi cheist na gcíosanna.
‘Is éard atá i gceist agam go bhfuil cíosanna ag crosadh (crucifying) daoine agus go bhfuil glúin iomlán againn nach bhfuil aon dóchas acu maidir le húinéireacht tí,’ a dúirt sí.
Maidir leis na toghcháin Eorpacha dúirt McDonald go seasfadh Sinn Féin an fód d’Éirinn san Eoraip.
‘Tabharfaimid tacaíocht do bheartais ón Eoraip nuair a bheidh siad go maith d’Éirinn agus don domhan mór. Cuirfimid ina gcoinne nuair nach bhfuil siad,’ a dúirt sí.
Chuir sí i leith an Rialtais agus an Coimisiún Eorpach go bhfuil siad ag déanamh iarracht neodracht mhíleata agus neamhspleáchas eachtrach na hÉireann a dhíchóimeáil (dismantle) agus dúirt sí go gcosnódh a páirtí iad.
Tá seisear iarrthóir á reáchtáil ag Sinn Féin do na toghcháin Eorpacha, beirt i ngach toghcheantar, agus 335 iarrthóir sna toghcháin áitiúla – duine amháin ar a laghad i ngach ceantar toghcháin áitiúil.
Dúirt McDonald gurb iad na toghcháin i mí an Mheithimh an chéad chéim chun an Rialtas a chur as oifig.
Dúirt sí: ‘Tar éis Olltoghchán 2020 ní raibh mé in ann siúl chomh fada liom féin gan a bheith curtha in iúl dúinn nár chuireamar go leor iarrthóirí suas.’
Dúirt sí nach mbeadh sé sin ina cheist an uair seo mar go bhfuil dóthain iarrthóirí á reáchtáil ag an bpáirtí.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
