Lá stairiúil ag ‘Croker’ don pheil agus do na Sraithe Camógaíochta

12/04/2024

Tá lucht spóirt ar fud na tíre ag ceiliúradh an deireadh seachtaine seo leis na Cluichí Ceannais Sraithe Camógaíochta le Very agus lá mór amuigh i bPáirc an Chrócaigh

Lá stairiúil a bheidh ann Dé Domhnaigh i bPáirc an Chrócaigh, le cluiche ceathrú ceannais Peile Laighean agus na Cluichí Ceannais Sraithe Camógaíochta le Very ar siúl ar an lá céanna.

Agus na Cluichí Ceannais Sraithe Camógaíochta le Very ar siúl an deireadh seachtaine seo, cuirtear i gcuimhne dúinn frása cáiliúil Bertie Ahern: ‘A lot done, more to do.’

Tá diongbháilteacht láidir laistigh de spórt na mban coinníollacha a fheabhsú agus tuilleadh tacaíochtaí a sholáthar.

camogie tickets feat

Agus níl aon ghrúpa ag déanamh níos mó ná lucht camógaíochta, lena Cluichí Ceannais Sraithe Camógaíochta le Very an deireadh seachtaine seo ag mealladh lucht leanúna.

Ar an Satharn, tá cluichí ceannais Roinn 1B, 3A agus 4 ar siúl, le Loch Garman (Wexford) i gcoinne Áth Cliath (1B), Ard Mhacha (Armagh) i gcoinne Laoise (3A), agus Cill Mhantáin (Wicklow) in aghaidh Thír Eoghain (Tyrone)(4).

Tá suim ar leith i gcluiche ceannais Roinn 1A agus 2A, a bheidh ar siúl i bPáirc an Chrócaigh Dé Domhnaigh, le cluiche ceannais 2A idir Doire agus an Iarmhí (Westmeath) ag tosú ag 12.30pm agus cluiche ceannais 1A idir Gaillimh agus Tiobraid Árann (Tipperary) ag tosú ag 2.30in.

Go deimhin, beidh lá stairiúil i bPáirc an Chrócaigh Dé Domhnaigh, le na Cluichí Ceannais Sraithe Camógaíochta le Very agus Cluiche Ceathrú Ceannais Peile CLG Laighean, idir Áth Cliath agus an Mhí, ar siúl.

Toisc gurb é seo an chéad uair sa stair go dtarlóidh an dá imeacht ar an lá céanna i gCeannáras CLG, tá roinnt réaltaí camógaíochta ag ceiliúradh an deireadh seachtaine le na Cluichí Ceannais Sraithe Camógaíochta le Very agus labhair siad faoi thábhacht an chluiche dóibh.

Dúirt Aoife O’Malley na hIarmhí, a imreoidh i gcoinne Dhoire Dé Domhnaigh: ‘Tá muid ag traenáil go dian ó mhí na Samhna. Tá súil agam go mbeidh sé seo ina thús maith le bliain fhada.’

Agus dúirt a comhraic ar an lá, Aoife Ní Chaiside as Doire: ‘Tá na sraithe in úsáid againn chun imreoirí nua a chomhtháthú leis an bpainéal. Is dóigh linn nach ndearnamar ceartas dúinn féin in aghaidh na hIarmhí ag an gcluiche deireanach, ba mhaith linn feidhmiú níos fearr agus táimid ag tnúth leis an dúshlán.’

Thug Aoife agallamh cuimsitheach do Bhlas na Cathrach ar Raidió na Life 106.4fm, inar labhair sí faoina baint féin le himeachtaí Gaeilge agus le cluichí Gaelacha agus na dúshláin agus na feabhsúcháin atá ann sa chamógaíocht.

Is féidir an t-agallamh sin a chloisteáil anseo:

Agallamh le Aoife Ní Chaiside as Doire

BlasnaCathrach

Agus is féidir leat an clár iomlán a chloisteáil anseo:

Blas na Cathrach ar Raidió na Life 106.4fm ar Spotify

Agus anseo:

Blas na Cathrach ar Raidió na Life 106.4fm ar Soundcloud

Tá urraitheoirí na camóige, Very, meáite ar an oiread tacaíochtaí don chamógaíocht agus is féidir a fháil ag na cluichí ceannais i bPáirc an Chrócaigh an deireadh seachtaine seo.

Sheol an Cumann Camógaíochta straitéis nua le déanaí a bhfuil sé mar sprioc aige tinreamh ar imeachtaí camógaíochta a mhéadú 20% faoi 2026, agus chuige sin tá siad ag tathant ar chlubanna agus ar theaghlaigh agus ar lucht tacaíochta teacht amach chun tacú lena bhfoirne contae an deireadh seachtaine seo.

Tá iarrtha acu freisin ar lucht leanúna CLG agus Pheil Ghaelach na mBan a dtacaíocht a léiriú agus iad ag iarraidh cumainn níos comhtháite a bhaint amach.

Tá ticéid do chluichí uile an Domhnaigh i bPáirc an Chrócaigh ar fáil le ceannach ANSEO:

Tá ticéid chuig gach cluiche Camógaíochta eile ar fáil ANSEO:


Scéalta Gaeilge ExtraG.ie
ar fáil ar ríomhphost (email)

• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com

• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.

• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie


Cliceáil ar cheann de na lógónna chun an stáisiún teilifíse agus na stáisiúin raidió Gaeilge a fháil

RFailtelogo 1
rnaglogo2 1
TG4logo 2
RnaLlogo 4

Comhroinn Anois

You might also like ...

Lean ExtraG.ie

Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.

© 2021 – 2024 Extra.ie | DMG Media
exit-upcrosschevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram