Bhailigh slua ollmhór i gcathair Bhaile Átha Cliath Dé Sathairn i léirsiú in aghaidh tacaíochta d’ionsaí Iosrael ar mhuintir na Palaistíne in Gaza.
Ina theannta sin, léirigh pobalbhreith níos luaithe sa tseachtain go bhfuil muintir na hÉireann ag cailleadh a meas ar an Aontas Eorpach mar gheall ar an tacaíocht sin.
Tá roinnt ball den Aontas Eorpach ag taobhú leis na n-ionsaithe ar Gaza agus cuid eile ag diúltú tacú le hiarrachtaí stop a chur leis na maruithe.
Agus anois tá sé tagtha chun solais go bhfuil meas ar an Aontas Eorpach faoi bhrú in Éirinn mar gheall ar an tacaíocht a thugtar d’ionsaithe Iosrael ar Gaza. Sin de réir pobalbhreithe nua in The Journal.
Tá triúr as gach ceathrar ógánach Éireannach agus dhá thrian de dhaoine san iomlán i gcoinne fhreagairt an Aontais Eorpaigh ar ionsaithe Iosrael.
Sa chéad vótaíocht ar roghanna vótála agus ar an meon roimh thoghcháin Eorpacha mhí an Mheithimh, fuair The Journal/Ireland Thinks amach go raibh daoine míshásta leis an gcaoi ar láimhseáil an AE an choinbhleacht.
Go luath sa choinbhleacht dúirt Uachtarán Choimisiún an AE, Ursula von der Leyen, gur sheas an tAontas Eorpach le hIosrael.
Mheas roinnt daoine, Feisirí Eorpacha na hÉireann san áireamh, go raibh a tuairimí agus a turas ina dhiaidh sin go hIosrael cosúil le tacaíocht neamhchoinníollach a thabhairt do ghníomhaíocht mhíleata.
Tar éis cruinniú de chuid Chomhairle an AE i mí na Nollag, tháinig deireadh leis an gcruinniú gan cinneadh chun sos cogaidh a ghairm in Gaza, in ainneoin an brú a bhí á déanamh ag Éirinn agus ag roinnt náisiúin eile.
Nuair a iarradh orthu rátáil a dhéanamh ar scála ó 1-5 (1 ‘an-dona’ agus 5 le bheith ‘an-mhaith’) conas a mheas siad feidhmíocht an AE ar Iosrael/Gaza, ba é 1 an rogha ba mhó éileamh (44%).
Ar an iomlán bhí 67% diúltach don AE, bhí 22% neodrach agus ní raibh ach 11% dearfach.
Fiafraíodh de dhaoine freisin ar tháinig athrú ar a ‘dearcadh ar an AE ó tháinig méadú ar an gcoinbhleacht’.
Mar fhreagra ar an gceist sin, dúirt os cionn leath (51%) go raibh a dtuairim faoin AE ‘beagán níos measa’ nó ‘go leor níos measa’.
Agus dúirt níos lú ná leath, 43%, nár tháinig aon athrú ar a dtuairim faoin AE mar thoradh ar an gcoinbhleacht.
Beidh na figiúirí ina n-údar imní do lucht tacaíochta an AE mar go raibh leibhéal ard tacaíochta ann roimhe seo.
Chuaigh na mílte duine ar mháirseáil i gcathair Bhaile Átha Cliath Dé Sathairn i léiriú ollmhór i ndlúthpháirtíocht leis an bPalaistín.
Tá níos mó ná 80 grúpa sochaí sibhialta na hÉireann ag glacadh páirte sa mháirseáil chuig an Roinn Gnóthaí Eachtracha ó Chearnóg Parnell.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
