Síneoidh an Rialtas sochar leanaí €140 chuig daoine atá 18 mbliana d’aois ón 1 Bealtaine (May), dóibh siúd atá in oideachas lánaimseartha agus dóibh siúd atá faoi mhíchumas.
Bhí sé beartaithe ag na hAirí an beart a thabhairt isteach i mí Mheán Fómhair (September) ach tabharfar isteach é ceithre mhí roimhe sin, agus roimh na toghcháin áitiúla agus toghcháin Eorpacha a reáchtálfar i mí an Mheithimh (June).
Tá an beart á mholadh ag an Aire Coimirce Sóisialaí (Social Protection) Heather Humphreys, a mheasann go rachaidh sé chun tairbhe do thart ar 60,000 teaghlach.
Íoctar sochar linbh ag €140 in aghaidh an linbh in aghaidh na míosa, agus tá an t-athrú á thabhairt isteach mar gheall ar an líon suntasach daoine atá 18 mbliana d’aois agus atá fós in oideachas dara leibhéal.
Tabharfaidh sé seo ceithre mhí bhreise d’íocaíochtaí – is é sin €560 in aghaidh an linbh.
Dúirt an Rialtas go bhfuil siad ag tabhairt isteach an t-athrú chun cabhrú le teaghlaigh leis an ardú i gcostas maireachtála.
Táthar ag súil go ndéanfaidh an tAire Humphreys iarracht an t-athrú a thabhairt isteach trí leasú a dhéanamh ar bhille leasa shóisialaigh atá le teacht os comhair an tSeanaid níos déanaí an tseachtain seo.
• Más mian leat ríomhphost (email) a fháil leis na scéalta Gaeilge is fearr ar ExtraG.ie, ó Luan go hAoine, seol an focal ‘Tá’ chuig joeextragdotie@gmail.com
• Más mian leat tuilleadh eolais a fháil faoi conas do chuid Gaeilge a fheabhsú is féidir dul chuig Conradh na Gaeilge agus Foras na Gaeilge.
• Tá athbheochan na Gaeilge ar siúl faoi láthair, ar mhaith leat páirt a ghlacadh. Léigh beagán Gaeilge gach lá ar Extrag.ie
Bí ar an gcéad duine a léann an Nuacht is déanaí i nGaeilge, leis an gclúdach is fearr ar chúrsaí reatha, Siamsaíocht bhríomhar agus Spórt.
